荃灣呢間隱身喺熟食市場嘅泰式小店，海南雞飯超香超滑，就連杜汶澤都讚！等小編同大家直擊試食啦！ 餐廳藏身喺荃灣西海旁工廈區嘅柴灣角熟食市場，餐廳由泰國人主理，除咗泰國菜，仲有港式早餐同碟頭飯。 餐廳招牌海南雞飯聽講係由新鮮雞整，以雞湯浸熟，上檯時已經去骨，食得超級方便。 雞肉一咬就充滿雞油香！雞肉有濃郁雞味，口感嫩滑，油飯色澤微黃，質感偏向乾身唔油膩。午市海南雞飯連飲品都只係$47，價錢親民，係附近打工仔恩物！ 豬手亦都相當出色，炆得非常入味，又稔！同樣亦已去骨，濃濃滷水香，絕對可以食哂成碟飯！ 新樂園...
