位於將軍澳嘅居酒屋，將推出全新春日餐單，多款日本海產同清酒都係由日本空運抵港，新餐單將於2021 年4月30日起供應，包括來自日本各地得季節盛產，如針魚丶松葉蟹丶白蜆同鯛魚等等。 「松葉蟹甲羅燒」，選用日本嘅鳥取縣松葉蟹，廚師為蟹蓋內注人松葉蟹膏丶松葉蟹肉丶鵪鶉蛋黃同蟹子，配上味噌、空氣蛋白，以爐端燒嘅方式炮製。 「季節針魚刺身」，來自日本九州，魚味淡雅，肉質鮮甜緊實，佐以薑蓉及酸汁更能突出清新細膩嘅魚香。 「白蜆五色燒」，居酒屋特意挑選五款配料，廚師更建議客人由淡至濃味品嘗，包括蘿蔔、鹽燒、柚子配胡麻醬、明太子同日本山椒。...
