掃街

今次介紹一間葵廣墨西哥Taco小店，店內Taco有分芝士軟皮同脆皮，配料包括牛肉、豬肉、蝦及牛肋條。醬料有三款，包括蒜香、微辣同千島醬。惹味醬汁配上香脆Taco，食到停唔到，鐘意食Taco嘅下次去葵廣掃街必試！ 牛肋條芝士軟皮加脆皮墨西哥taco  除左Taco，仲有墨西哥雞肉卷、栗米片及漢堡包，都值得一試！ 牛油果醬粟米片 墨西哥雞肉卷 美式漢堡 澳洲仔 地址: 葵芳葵富路7號葵涌廣場1樓B01A號舖...

葵廣新開咗一間韓式炸雞店，有多款特色口味，炸雞即叫即整，香脆juicy！推介蜂蜜脆脆味同邪惡芝士肉醬味。 四十幾蚊一份，都算抵食，可以一次過試多幾款口味！ 邪惡芝士肉醬口味有勁多芝士，將炸雞卷上芝士食，好滿足！ 蜜脆脆脆口味，香甜惹味，食到停唔到口。 傳統韓式辣醬味都值得一試！甜辣味可以中和油膩感。 店主不定期都會推出新口味，食炸雞都要有新鮮感！ 下次去葵廣掃街記得試埋呢間啦！ 啖啖肉 地址：葵芳葵富路7號葵涌廣場潮流廊二期2樓2008A號舖...

土瓜灣有間心形雞蛋仔！好得意！好啱打卡或者送俾心上人表白~仲有多款口味，經過值得一試~ 每一粒都係好飽滿嘅心形~ 原味雞蛋仔有蛋香，即叫即整，熱辣辣~ 只係$12一排，好抵食！口味除咗原味，仲有Oreo味、朱古力味、黑芝麻同芝士味。 小店因為實惠價錢深受街坊歡迎，位置比較偏，位於一個小巷內。 店內仲有多款小食，所以好多學生放學都會排隊買小食。由於雞蛋仔都係即叫即整，所以都要預留一定時間等待。 雞蛋仔屋 地址：土瓜灣土瓜灣道313-323號捷通大廈地下16號舖...

嚟旺中行街，肚仔餓順便試下啲街頭小食醫肚仔喇！小編推介呢間手抓餅店，好足料，仲有多款口味可以揀！ 食肉獸一號，紫薯餅皮配上鴨胸、台灣腸、生菜，新鮮即煎嘅紫薯餅皮超香脆~ C款手抓餅，餡料有雞蛋、木魚花加上黑椒腸！ 仲有多款手抓餅~ 拉絲芝士熱狗~ 除咗有鹹食，大家都可以揀番甜品口味！香芋朱古力醬手抓餅，好邪惡，鐘意食甜嘢嘅你切勿錯過喇！ 山楂甘草茶，酸酸甜甜可以中和番手抓餅嘅油膩感~ 壹加一手抓餅專門店 地址：旺角彌敦道688號旺角中心第一座2樓SB07號舖 電話：4678 7197 營業時間：12:30-22:30...

嚟葵廣掃街除咗食雪糕漢堡之外，梗係要試埋呢間人氣章魚燒喇！早前喺屯門執笠之後被幾位年輕人重新喺葵廣開設門市，至今已喺葵廣插旗兩年！ 人龍依舊，每次派對起碼都要等20分鐘或以上，連埋製作時間起碼等半個鐘，真係好有耐性先可以食到。 有超多款口味小丸子俾大家選擇，招牌口味有元祖大阪、和風蜜糖芥末、明太子、芝士脆脆，等等。 每份章魚燒都好足料，超級多木魚花喺面頭，明太子就勁多醬。 最特別呢個芝士脆脆，放上墨西哥脆片同芝士真係超夾。   屯の大阪章魚燒 地址：葵芳葵富路7號葵涌廣場3樓摩登世界1號舖...

呢間小店主打多款各式各樣嘅炸物，掃街小食。全部都食物都係即叫即炸，而且呢度更提供多款調味粉俾客人任加。 魷魚鬚+雞粒，小店堅持以自家秘製調味粉醃製，即叫即炸，魷魚鬚外脆內軟，雞粒就比較乾身，如果可以炸嘅時間縮短小小就比較好~ 糯米釀雞翼，食落完全唔覺得入邊有骨，味道有小小辣，啲糯米都好食嘅，其他小食店比較少有。 煉奶Oreo西多士，面層撒上超多Oreo餅碎同埋煉奶，超邪惡。 Shake Shake雞脾肉，係小店嘅招牌菜，食落啖啖肉超正！ 365炸雞 地址：旺角山東街50號地舖 營業時間：03:00-01:00...

沙田呢間屋邨小店，首創豬柳蛋雞蛋仔！受到雞蛋仔關注組大力推介。近期小店因租約到期而宣佈將於3月尾結業，想試嘅朋友仔趁呢個月快啲去啦！ 豬柳蛋漢堡就成日食，豬柳蛋雞蛋仔估唔到都係一個好夾嘅組合！ 粒粒飽滿，外脆內軟~ 每底雞蛋仔都係即叫即整，熱辣辣食先最好味！ 鹹味嘅雞蛋仔食落唔會太膩，但都幾飽肚~每一粒都會食到豬柳同蛋，仲鋪滿芝士，食落好滿足！另外仲有多款口味，包括手撕雞，抹茶，蘋果玉桂等~ 除咗雞蛋仔，當然唔少得格仔餅~推介抹茶紅豆格仔餅~   潮食 地址：沙田乙明邨街9號地下乙明邨街市2-3號舖 圖片來源：@...

嚟旺角又點少得去旺中掃街啊，又唔洗起街到同人逼，呢度仲有位置提供高檯俾大家喺度食嘢，都幾方便啊，唔洗拎住周圍走~ 呢間小食店主打四川風味小食，有粉麵餐、水煮系列、酸菜系列，今次我哋主要就係試小食系列嘅！ 麻辣鴨血都只係$28/份，食落唔算超辣，不過配埋啲辣椒粉就好過癮！ 麻辣魚蛋，呢個就比較普通，醬汁偏油。 仲有牛百葉，食落都幾入味，辣得過癮！   川婆婆地址：旺角彌敦道688號旺角中心1期2樓SB04號舖營業時間：星期一至日12:00 - 22:00 川婆婆地址是? 旺角彌敦道688號旺角中心1期2樓SB04號舖...

嚟葵廣掃街除咗食小丸子、雪糕三文治，呢款惹味花甲粉你又試過未呢？小店有嘅蜆肉湯粉有五款口味，原味爆蒜、勁量芫荽、白酒牛油、麻辣花椒及番茄。 鐘意食芫荽嘅你就要加$5，爆多荽~啱晒芫荽控！ 仲有惹味嘅蒜香牛油花甲粉。 麻辣花椒花甲粉，又麻又辣又幾正~如果接受唔到麻嘅口感就唔好試喇~ 煮你隻蜆 地址：葵芳葵富路7號葵涌廣場地下A73-1號舖 營業時間：13:00-21:00...

葵廣咁多嘢食，實有啲會錯過咗嘅~今次介紹呢間小店，店內招牌肉燥拌麵同烤雞卷都係必試！ 貴妃烤雞捲：望落就覺得好吸引！外皮烤得焦脆，肉汁豐富，惹味帶少少香辣~ 食返兩串，想象自己置身於台灣夜市~諗下都開心。 店內拌麵都要試埋！有多款醬汁揀，包括原味、沙茶、芝麻同麻辣。拌麵口感爽彈~加上唔同配料，大滿足！ 配料推介鹽水雞同千葉豆腐~ 另外都有多款小食，包括魷魚、生煎包等等~ 下次經過記得試下啦！ 阿佳拌麵 地址：葵芳葵富路7號葵涌廣場3樓303F號舖...

嘉多娜餅店最新推出咗脆皮布丁泡芙~ 大大隻泡芙，一咬爆漿流心~好滿足。 好creamy~又唔會太甜膩~ 布丁漿好飽滿~仲好香雲呢拿味~ 冰涼嘅布丁餡，夏天食就啱晒啦~ 不過外皮就略嫌唔夠酥脆~ 出爐時間有兩輪，分別係12:30/15:00。只限佐敦店，每日限售240個~想食就要早啲去排隊啦~ 嘉多娜餅屋 地址：佐敦文苑街1-23號文英樓地下1號舖...

葵廣人氣手抓餅喺旺中開咗分店，以後去旺角都食到香脆惹味嘅手抓餅啦~ 店內手抓餅足料抵食，大大份，一共有6款口味，推介火腿雞蛋芝士豬柳！ 每款配料份量都好多，醬汁都好惹味~ 手抓餅都係即叫即整，熱辣辣好香脆~ 比較細食嘅，可以買嚟當lunch食~都幾飽肚。 慧食貓 地址：旺角彌敦道旺角中心...

今次介紹呢間尖沙咀甜品店，店內有多款杏仁甜品，最近仲新出咗鮮果杏仁茶，口痕想食甜品飲下嘢可以去試下呀~ 店內除咗杏仁甜品，杏仁茶，仲有榴蓮冰同椰皇燉雙皮奶都值得一試！ 椰皇湯丸燉雙皮奶，雙皮奶好香滑，湯丸可以轉榴槤味，湯丸內有飽滿嘅榴槤蓉，鐘意食榴槤嘅會好鐘意~ 呂宋芒小丸子杏仁茶吸吸，清甜嘅芒果配上香濃嘅杏仁茶，味道幾夾~仲有小丸子口感豐富。 杏仁茶吸吸仲有多款口味~仲有蜜瓜味同士多啤梨味。 Almond Dessert杏甜品 地址：尖沙咀加拿分道40-46號香檳大廈地下6號舖 圖片來源：@...

今次介紹呢間老字號點心店，必試店內招牌七彩燒賣！仲有多款懷舊點心都值得一試！ 七色燒賣有七款唔同口味，分別係原味、麻辣、粟米、黑松露、菠菜、芥末同芫茜~ 每款都好有特色，口感爽彈~味道都唔錯。 買返一盒做下午茶，配返杯咖啡好滿足~ 店內仲有多款點心及盅飯~ 推介花膠灌湯餃！好足料~灌湯餃好大隻，仲可以連埋湯飲。 其他點心味道都唔錯，連懷舊點心菲林卷都有得食，經過就去幫襯下啦~ 黃金香芋酥 養生上素餃 瑤柱鹹魚蓉肉餅飯 文樂園 地址：何文田窩打老道69號地下A號舖...

今次介紹西貢人氣爆餡茶粿，有多款鹹味及甜味茶粿，推介芝麻皮菜脯餡同紫薯皮綠豆餡！ 一共有12款口味茶粿，難得去到每款都買啲試下啦~ 除咗茶粿，仲有客家糯米糍同花生糖都值得一試！ 每款口味餡料飽滿，茶粿皮煙煙韌韌，好味~ 黑芝麻皮芝麻花生餡茶粿 芝麻皮菜脯餡茶粿 望落就好足料，甜味茶粿唔會太甜膩，甜度適中~ 想食就要早啲去，遲咗好多口味都售罄。 西貢許姑娘家鄉茶粿 地址：西貢市場街21號地下 營業時間：星期六、日及公眾假期 上午九時半至下午六時...

元朗人氣茶飲店新推出椰子凍甜品，椰子凍用新鮮椰汁及椰肉製作，冇人工香精。入口滑嫩，可以見到新鮮椰肉~再鋪上烘過嘅椰肉碎及椰子脆片，口感豐富升級~ 夏天食返個就最正啦~ 椰子脆係呢道甜品嘅靈魂！ 除咗椰子凍，店內新推出嘅鮮果多多系列，冇濃縮糖漿，用新鮮水果同益力多，味道清新~ 有多款口味~包裝都好cute~ 打卡影相一流！ 另外其他飲品都幾好飲，味道幾清新~ 夏茶 地址：元朗炮仗坊36號舖...

今次介紹呢間荃灣粉麵店，店內嘅韮菜餅必試，足料爆餡~ 即叫即製，可以食到熱辣辣韮菜餅~ 香口惹味~仲會爆汁~好juicy~ 每件都大大塊，又厚身~好抵食！ 店內仲有餃子、湯圓同燒賣都好受歡迎~可以買返屋企儲糧~ 仲有大大粒糯米糍，軟糯香滑~ 民豐粉麵行 地址：荃灣街市街35號...

今次介紹嘅人氣燒賣原本係大埔名物~依加油麻地都有分店啦~ 燒賣關注組都大力推介！ 主打手工燒賣，每日新鮮製~  口感比較鬆軟，唔係彈牙果種~ 但味道就更加鮮美~ 點上豉油同辣油，好惹味~ 鐘意食芫茜嘅當然要試埋芫茜燒賣！ 淡淡芫茜清香~都值得一試~ 另外，都可以試下店內招牌牛腩芝士蛋三文治~ 老虎岩餐室 地址：油麻地砵蘭街37號地舖...

人氣薄餅外賣店將於西貢開設新分店，店內主打酸種薄餅同爆漿冬甩～ 冬甩真係好吸引！爆漿流心效果一流！即叫即做，熱辣辣～ 必試榛子醬冬甩，真係一開爆漿～好邪惡 另外吉士醬同士多啤梨醬都值得一試！仲可以揀灑白砂糖或者玉桂味砂糖。款款內餡都係好飽滿～ 西貢即將有新分店，咁就唔駛過海都有得食啦！行過買兩個當下午茶都幾正～ 具體開業日子請留意Dough Bros社交媒體公佈~ Dough Bros  西貢分店 地址：西貢萬年街102號 圖片來源：@holidaymood.now、@...

今次介紹呢間餅店係新加坡過江龍，香港有5間分店咁多！ 店內有多款特色口味嘅麵包，必試流心爆漿朱古力包~ 一咬爆漿~好邪惡！ 咖啡班蘭咖椰菠蘿包都值得一試！ 鐘意食榴槤嘅就唔好錯過呢個榴槤菠蘿包！餡料飽滿，食落香濃~ 葡撻同芝士撻都可以買嚟做下午茶~ 仲有多款口味嘅迷你雜錦包仔，買嚟做早餐一流！ Baker Talent 荃灣沙咀道211號地下 新蒲崗太子道東638號Mikiki1樓116A號舖 深水埗東京街12號麗閣商場地下3號舖元朗壽富街33號好利洋樓地下J舖 元朗壽富街33號好利洋樓地下J舖 深水埗長沙灣道158號協興大廈地下...

今次介紹呢間灣仔嘅外賣小店，主打上海菜~ 必試店內爆汁生煎包！ 生煎包即叫即整，一咬爆汁，湯汁鮮甜香濃，外皮香脆，肉餡飽滿！ 小店喺區內都幾有人氣！生煎包$42就有6隻，都幾抵食~ 另外有多款上海菜飯，蔥油麵及小食都值得一試！ 排骨蔥油拌麵，排骨幾入味，蔥油配上櫻花蝦好香口。 雞絲粉皮，粉皮爽滑，麻醬好香。 仲可以試埋蛋白杏仁茶，好香濃。桂花蜜雞翼都係小店人氣之選~ 尚海人家 地址：灣仔譚臣道8號威利商業大廈地下E號舖...

今次介紹青衣呢間餅店有超巨型嘅麻糬波波~ 比起一般麻糬波波大至少三倍~ 位置比較偏僻，位於一個街市入面~ 價錢都比較相宜，只係$5一個，16:30之後就會買2送1，所以10蚊可以買到3個！ 除返開仲平過連鎖餅店細細粒果啲麻糬波波。 味道都唔錯，外皮香脆，口感煙韌，帶有牛油香~ 經過附近就去幫襯下小店啦~ 麻糬波波都係店內人氣之選~ 搵日去試下啦~ J&A Cake Shop 地址：青衣長亨邨長亨商場地下33號舖...

格仔餅係香港地道嘅街頭小食之一，好受香港人同外國遊客歡迎！ 傳統嘅格仔餅以花生醬、牛油、煉奶同砂糖配上鬆脆嘅餅底組成，真係聽到都流晒口水～ 近年，好多鋪頭都推出唔同口味嘅特色格仔餅，唔再係得傳統格仔餅嘅四款材料咁單調，俘虜咗一眾格仔餅迷！ 1. Ice Puff 佢哋嘅格仔餅偏厚，好似英式窩夫～ 口味有榛子花生或者阿華田脆脆，兩款都好match！ ...