布丁狗粉絲注意了!作為元祖級嘅人氣角色,Sanrio就與日本三井集團旗下嘅三井花園酒店合作,喺東京同北海道分館推出各種布丁狗主題房型,飛日本嘅粉絲一定唔可以錯過! 東京嘅三井花園酒店-銀座五丁目以及北海道三井花園酒店-札幌西兩間酒店,共推出3款布丁狗主題房,布丁狗迷絕對住咗之後會唔捨得退房! 3款主題分別係「布丁狗躲貓貓房」、「布丁狗糖果派對房」以及銀座五丁目分館獨家嘅「布丁狗繽紛夢想房」,一入房門就隨處見到布丁狗同好友松鼠「貝果」、兔子「爽身粉」等角色!仲可以帶走多樣周邊產品!...