今次介紹呢間西班牙餐廳開業已經三十年,可以話係西班牙菜嘅經典老字號!餐廳環境同佈置都特具西班牙風情~ 感覺好似身處西班牙小鎮餐廳~坐喺室外座位打卡影相一流! 為咗慶祝30週年,餐廳推出期間限定餐牌,留意返,如果想試期間限定餐牌需要提早3日預訂。 除咗可以揀餐牌嘅菜式,都可以試下廚師發辦,大廚會採用當季嘅食材去做配搭,令到客人可以獲得更有新意嘅美食體驗。 香煎鵪鶉腿,鵪鶉腿好少地方有得食,口感好嫩滑,都幾惹味~作為餐前小食飲返杯就啱晒啦~ 西班牙黑毛豬肉丸,肉丸採用黑毛豬,口感鬆軟,配上湯汁好滿足。...