大家食奶醬、蜜糖西多士就食得多~但入面有沙嗲牛肉餡嘅西多你又試過未呢?今次介紹嘅呢間茶記位於九龍城街市熟食中心,店內更有蔡瀾先生嘅墨寶「勝過鮑參肚翅」,由此可見呢間茶記啲食物真係超水準喇! 以前大家入九龍城就話唔方便,宋皇臺線開通大家更應該去九龍城試下呢啲地道食物。 西多士本身都係甜嘅,配埋沙嗲牛肉喺入面又甜又鹹,真係幾特別喔! 除咗呢款名物,仲有阿華田醬西多士,面層嘅脆脆都係阿華田味,食落脆卜卜都幾正夾~夾心就係阿華田流心醬,再淋上煉奶!真係邪惡到爆! 仲有豆沙餡西多士,外脆內軟~豆沙餡都仲有粒粒口感,唔係豆沙蓉~味道都幾特別。...