采悅軒推出咗全新菜單，精選咗十道東涌世茂喜來登酒店中菜行政總廚鍾志強鍾師傅嘅巧手手工粵菜，當中仲包括幾近失傳嘅傳統菜式！ 呢款「鍾師傅十式」菜單，有三式「采悅小碟」（$128），係三款涼菜，包括「池香拌稀瓜」，西瓜煎至表面乾身，面頭點綴梅香馬友鹹魚！「煙熏夜明珠」則係以低溫65度慢煮嘅白鴿蛋，白鴿蛋坊間十分少見！鴿蛋煮成流心，配上黑魚子。「晶凝花厘凍」係水晶花膠凍，以花膠熬成濃湯再冷藏凝結成凍。 必食「招牌妙齡乳鴿」（$118），皮脆肉嫩，仲超級多汁。師傅以秘製方法，製作曾每日賣過萬隻嘅風味乳鴿，係食客到訪采悅軒嘅必點菜式！...
