話咁快又踏入2023年嘅尾聲, 日本大阪即將會舉行一年一度嘅「大阪光之饗宴」! 呢個作為橫跨聖誕節同跨年嘅大型傳統點燈活動,近年都吸引咗唔少人專程嚟大阪旅行! 今年「大阪光之饗宴」 嘅點燈範圍主要喺梅田同難波南北兩大商業區, 當中更包括咖啡店集中地嘅北濱,同埋深受遊客歡迎嘅心齋橋~ 到時喺街道兩旁都會掛上一連串閃亮嘅燈泡,畫面一定好浪漫! 而呢次活動同樣充滿話題性! 「御堂筋燈飾2023」 由大阪市北區阪神前十字路口至大阪市中央區難波西口十字路口路段, 都高掛七彩繽紛彩泡,打造出一條「光之路」! 「大阪光文藝復興2023」...