韓國有壁畫村、台灣有彩虹眷村，香港亦都有光板田村！位於荃灣大帽山山腳嘅光板田村，一條普通嘅村落變成彩虹壁畫村，街道上嘅筆畫由小朋友、義工同村民共同創作出嚟嘅，令到冷冰冰嘅街道倍添溫馨。 先沿著樓梯級上，大家影相過程中，謹記保持安靜，呢度始終係一條有人居住嘅村落。 仔細啲睇，每隔幾級樓梯，就會有個玻璃球出現喺樓梯級嘅側邊，而且每一級都唔同顏色。 繼續沿樓梯上繼續上，唔難發現其他鄉村味更濃嘅筆畫。 呢度嘅筆畫多數反映村民嘅居住生活，樸實無華。...