放假大家又會去邊呢？不如試下去西貢白蠟村，位於西貢一個偏僻嘅村落入面放鬆下喇，溫馨提示大家自己垃圾自己帶走，切勿為打卡影相破壞環境。大家可以喺西貢碼頭搭的士入去，白臘村村口落車後步行15分鐘就到。（車程大約$70-$80左右）。 呢度大於300年前係一條客家村落，但宜家已經變成廢村，商家為咗吸引人流，於是就將呢度嘅村落粉飾成為七彩童話屋喇。 有綠色、淺黃色、藍色、紅色同橙色屋仔。 大家見到呢個指示牌，係教大家前往東丫，上山條路都一樣咁靚。 行出小小就係沙灘，隔離有條木橋，大家行出去時候需注意安全，因為兩側沒有任何圍欄。...
西貢萬宜水庫東壩小巴近日宣布假日全日服務，大家宜家入去又方便好多喇！終於唔洗捱貴的士入去，大家如果想直接入到嚟就可以乘坐9A，小巴會逢周日及公眾假期提供全日服務，由早上9時半至晚上7時都有小巴來往，20分鐘一班車。超級方便~ 萬宜水庫範圍超級大，分為東壩同糧船灣洲兩個地方，而香港聯合國教科文組織世界地質公園的「西貢火山岩」園區便位於此，大家仲可以沿著東壩地質步道，遠眺遼闊的海岸景色，以及香港獨特的地質景觀，亦可近距離欣賞世界級的六方形石柱，另外，東壩旁邊嘅破邊洲是香港著名的海蝕地貌。 呢個畫面就可以見到堤壩，同一望無際嘅海平面。...
