達文西大型壁畫《最後的晚餐》，係人人都聽過嘅經典，唔少藝術創作嘅參考同二創對象。 日本一位網路編輯たかや，就用「麥當勞包裝紙」重現名畫。 今年3月，日本麥當勞調高售價。而たかや亦喺加價前，去食咗一次「最後的晚餐」。剛剛睇咗美術展覽嘅佢，忽然有咗想要喺世上留下作品嘅念頭。於是萌生咗用麥當勞包裝製作《最後的晚餐》嘅念頭。 たかや將食唔完嘅漢堡冷凍保存，仲用顏色分門別類包裝紙、做成表格。清理乾淨包裝之後，就開始製作！...