春天嚟到林林總總嘅花開始盛放!繼白梅、鐘花、櫻花同鬱金香之後,繡球花都盛開啦! 繡球花又名八仙花、紫陽花,天水圍公園入面就有佢地喺到綻放!噴池同小徑旁邊都充滿住五彩繽紛嘅繡球花! 繡球花係常見嘅觀賞性植物,花期喺春至夏季,溫度上升約攝氏20度時就會開花。繡球花擁有多種顏色,除咗天水圍公園嘅粉紅色、粉藍色、紫色同紅色,亦有白色、黃色同橙色。繡球花顏色取決於土壤養分含量,泥土中若有較多氮同較少鉀,會令繡球花變得更紅。亦有機會隨時間或環境轉變而轉色。 天水圍繡球花地址:天水圍天瑞路6號天水圍公園(近銀座廣場)開放時間:24小時交通...