糧食問題襲擊全世界，環保團體提昌「昆蟲食」。最近日本又有餐廳推出了蟲蟲食物啦！ 日本餐廳Antcicada係一間人氣昆蟲主題餐廳，店長Yuta Shinohara 4歲開始嘗試各種昆蟲，希望能夠通過美食，消除大眾對食昆蟲嘅可怕印象。 最近Antcicada推出咗「蟋蟀拉麵」，你以為只係拉麵上面放一隻蟋蟀咩？咁你就大錯特錯啦！ 蟋蟀燉煮拉麵湯底，再將蟋蟀磨成粉加入丸山麵嘅拉麵麵條，最後再擺上一隻蟋蟀點綴，從頭到腳嘅蟋蟀大餐就咁完成！一碗蟋蟀拉麵仲相當於食咗100隻蟋蟀，蛋白質十足！ 疫情影響，目前只提供外賣服務，兩人份起售賣。...
