大埔小白鷺中心除咗有人氣打卡西餐廳,近日仲開咗全新嘅中菜廳,鐘意食中菜嘅你又多個選擇喇!望住湖景歎番個高質點心,不過小編建議大家嚟之前記得book位啊!大家嚟之前都可以要求揀定窗口位坐,食起上嚟個人都開心啲! 餐廳內部環境富麗堂皇,好似去咗外國咁,完全唔係一般中菜宮廷式或酒樓設計,融入歐式建築設計風格。 脆脆鮮蝦紅米腸,這係炸兩腸粉,上檯時依然保持外層腸粉皮軟滑,內裡保持酥脆口感。 田園蘿蔔酥,蘿蔔一絲絲都幾鮮甜,唔會有渣,而且底部加上芝麻做點綴,大家不妨一試。 竹炭叉燒包,外脆內軟,空氣感十足。...