佐敦谷水道明渠活化項目喺今年4月底完工，全長約330米嘅佐敦谷明渠，活化後被稱為「港版清溪川」。今年中秋節，渠務署就喺佐敦谷水道同黃大仙啟德河舉行「河畔城市」中秋綵燈會暨河道綠化體驗日。 「河畔城市」綵燈展將會喺9月5至18日晚上，喺佐敦谷水道同黃大仙近摩士公園（一號公園）嘅啟德河舉行，水道兩旁佈置咗渠務署嘅吉祥物、月兔同月亮等花燈裝飾。 渠務署仲喺佐敦谷水道舉辦河道綠化體驗日，向市民介紹種植水生植物、攀藤植物同使用環保木嘅好處，仲設有環保工作坊，俾市民了解近水文化，展現「綠化建築」同「可持續發展」嘅河道活化工作。...
