返工日日喺office由早坐到晚,喺屋企又成日睇電話,生活煩悶,壓力大想放鬆下?咁去行下慈山寺啦~ 慈山寺建築借鑒盛唐建築之風格,環境清幽寧靜,入到去就感覺淨化心靈,節奏都慢落嚟,冇咁浮躁。 慈山寺中區沿主軸線依次為山門、彌勒殿及大雄寶殿,層層進深。彌勒殿兩側為鐘鼓樓,鐘樓下層為地藏殿。 寺廟每個角落都好靚,氛圍清淨莊嚴。遠離都市煩囂,放慢腳步感受呢份寧靜。 普門即觀音殿,為慈山寺第二大殿,高達70米觀音聖像神聖宏偉,法相慈悲莊嚴。右手持智慧寶珠——摩尼珠,左手持淨瓶, 施灑淨水。...