距羅湖不遠，令呢兩個地方深受遊客喜愛，唔少遊客都喜歡嚟到一天遊。珠寶首飾、服裝、美容、影音電器店林立，逛街好地方！
大家嚟嚟去去都係長州、大澳、梅窩同埋南丫島，唔知大家有冇去過鴨洲同吉澳呢～地方都比較冷門同偏遠，不過景色都一樣咁靚。想去呢兩個地方玩，大家一定要留意渡輪班次，錯過就要第二日先番到屋企！即刻睇詳情先！ 首先講下吉澳先，吉澳位於大鵬灣以西、沙頭角以東，因為島形與相反的英文字母Z相似，因此英文名稱為Crooked Island,意思是彎曲的島。 嚟到吉澳一定要去呢度嘅天后廟參拜喇～天后廟自1763年已經開始供奉，至今仍保存得宜，入面仲有多個色彩鮮豔嘅佛像陶瓷同雕塑。 之後就梗係要去吉澳大街醫肚喇，食呢度最出名嘅手打墨魚丸同客家小菜。...
北區公園繡球花都盛開得好靚！配上中式庭院景色，賞心悅目。色彩斑斕嘅繡球花真係百看不厭！賞花之餘可以了解下繡球花嘅花語，原來，唔同顏色嘅繡球花都代表唔同嘅花語，即睇內文，小編為你介紹啦！ 喺唔同角度都可以影到靚相！加上公園地方開揚，適合假期去散步放鬆心情。 繡球花色澤鮮艷，花語感謝、希望、忠貞、永恆、美滿及團聚。顏色唔同，代表嘅花語都唔同。 藍紫色繡球花的花語是「冷酷」、「無情」、「執著的愛」。 白色繡球花的花語是「包容」，同時有著認定另一半的意思。 粉紅色繡球花花語是「活力充沛的女性」和「濃情愛意」！...
香港各區百花齊花，區區有花賞，今次小編就帶大家嚟到粉嶺睇紅花風鈴木~ 紅花風鈴木花期屬於3至4月，但係今年提早開花，粉紅夢幻場景媲美日本櫻，更吸引一眾攝影發燒友前往影相打卡~ 紅花風鈴木顏色真係好靚呀~粉紫色 據康文署資訊，遊樂場內種有3棵洋紅風鈴木。每當開花時，奼紫嫣紅，如夢似幻；唯美程度，較日本櫻花有過之而無不及，因而吸引不少市民拍照打卡。 交通港鐵：粉嶺港鐵站A2出口，沿粉嶺車站路往粉嶺中心方向步行約5分鐘途經巴士路線：79K, 261, 279X, 277X 圖片來源：Facebook @Johnson Tse...
今次介紹呢個行山路線比較輕鬆，新手都無問題~ 呢個古洞水塘心形湖幾得意，可以同伴侶一齊打卡~ 落車行大概一個鐘就到達~輕輕鬆鬆~行到就原路折返~如果想繼續行可以行去麒麟山。 行去麒麟山大概需時2-3小時~但係路程就比較難行，有多碎石，要比較小心。 古洞水塘心形湖 前往方法：上水站彩園路搭九巴76K於古洞街市落車 建議路線：古洞街市-古洞南路-古洞水塘（原路折返）...
今次介紹呢個九龍坑山，位於香港新界北，位於大埔以北、粉嶺東南，海拔440米。 唔知大家見到天梯咁嘅梯級會咩反應呢？ 行到見到一舊「玉秀峰」的大石，便知道即將到達玉秀峰了。 大埔公路-大窩段-大埔頭-衞奕信徑第8段-玉秀鋒-九龍坑山-原路折返。 繼續向前行就可以去到山頂發射站。 全程大約3.5小時，樓梯比較多，大家上山時候需預留體力。 圖片來源：@9hike、@yeungrie、@hk_hikiholic、@shibainu.sailo.0717...
位於粉嶺嘅流水響落羽松，每年都吸引超多人嚟到影相打卡，係眾多人心目中嘅郊遊地點，仲有天空之鏡、港版輕井澤嘅美譽，即刻睇下先！ 流水響水塘位於新界東北八仙嶺郊野公園內。 每天到咗冬天就會有如此仙境般嘅景象，吸引大批遊客前來湖邊野餐同影相。 大家要注意安全，切勿行落去棵樹中間位置影相，非常危險。 交通： 粉嶺站C 出口→乘搭52B綠色van仔→鶴藪道及流水響道迴旋處落車→步行15分鐘到達水塘...
夏天梗係要同陽光玩遊戲喇！上水安圃村附近盛開一大片小野菊花花海，佔地面積有四個足球場咁大，絕對影相打卡好去處喇！不過如果大家都想影得開心，小編就提提大家要帶齊蚊怕水、風扇仔同水，以免不時之需！ 趁花兒盛放，大家係時候遠離城市，去番郊區感受下大自然。 去呢啲地方帶飯頂草帽、著裙仔同拎埋個野餐籃做道具就一定唔會錯。 一大片嘅小野菊，要去到郊區先見到，趁繁花盛放，大家記住要把握機會嚟喇！ 地址：上水松仔園附近...
小編自從喺台灣夜市食過鹽水雞之後就愛上咗！ 簡簡單單嘅雞脾肉/雞胸肉，再配搭時令蔬果同醬汁～真係好滋味！ 想知近近地香港邊到有得食? 即刻睇吓香港鹽水雞大集合啦～ (排名不分先後！) =========================================== 阿佳拌麵 呢度嘅店主曾經喺台灣學廚兩年～ 佢哋嘅鹽水雞拌麵鹹香味十足～重口味人士大愛呀！ 仲可以揀肉燥、溏心蛋、豆腐等配料～ 醬汁方面就可以揀沙茶、芝麻、麻辣～ 呢度仲引入紅葱酥、麻辣花生～食落更惹味！ [instagram...
天氣咁好唔知大家有冇去行山呢？今次小編介紹呢個新路線俾大家喇！紅石門係於新界東北，位於印洲塘南面入口，兩旁嘅岩石為赤紅色，呢度佈滿赤紅色嘅礫岩與粉砂岩，因此又有「火紅海岸」之稱。 不過如果行山新手想前往呢個地方就必須衡量個人能力，紅石頭路途遙遠且需原路折返，沿途又無補給，所以建議大家帶足夠的食物同水，全個行程大概需5至7小時。 紅石門海水清澈見底，由於地方偏遠亦較少人踏足，故能夠保存海洋生態原貌，近睇大家都可以見水入面嘅深紅色岩石。...
最近，有網民影到粉嶺一大片盛放嘅夢幻白茅草田~ 每年白茅花期都唔同，上年大概三月係花期，今年係五月尾先盛放。 白茫茫一大片，周圍冇建築物，又唔需要就位，就咁影就好夢幻~ 快啲約埋朋友或者伴侶去影相打卡啦~ 如果黃昏去到，就會影到偏金黃色嘅白茅草~ 唔駛行山，著條裙都可以，郊外漫步好悠閒~ 搵日放假，遠離市區，去呼吸下新鮮空氣之餘又可以打卡~ 一望無際嘅白茅草田隨風搖擺，望落都覺得好療癒~ 粉嶺坪洋村前往方法： 粉嶺港鐵站轉乘52K小巴喺九記士多落車（沿路經過壁畫村、坪洋牌坊、停車場隔離就係目的地） 注意事項：...
週末不妨去離開市區，去下啲大自然地方~ 位於上水河上鄉呢間Cafe都幾Chill，佔地面積超級大~ 店主好用心咁將場地佈置到西部牛仔風格、英倫風。 而中式舞獅風格主題都係呢度嘅主題，戶外仲有鞦韆，大家都可以帶埋寵物嚟放電。 食物方面就比較簡單，必試呢個馳名餐蛋麵，非常之有誠意！厚切圓形餐肉，中間放咗隻簡單！都幾有心思~ 另外，仲有流心牛角包、紫菜魷魚鬚等等。 Lion House Cafe 獅藝館茶座 地址：上水河上鄉居石侯公祠 電話：9316 1443 營業時間：星期一至五11:00-18:00/星期六日10:00-18:00...
位於粉嶺軍地嘅皇后山軍營印度廟，於1960年代興建，當時由駐守嘅尼泊爾（Gurkhas）士兵建造，該廟於2010年度被評定三級歷史建築物。印度廟與軍營內嘅建築物有一定嘅距離，為此讓人感覺印度廟有一種神秘感。 廟宇外形呈六角形皇冠形狀建築物，頂部有六個尖頂，並由12塊三角形砌成。 此印度廟為香港僅有嘅蓮花形建築物。 於2010年度被評為三級歷史建築，廟內天花呈六角形，非常特別。 有橙黃色、藍色嘅墻身組成。 仔細咁穩下周圍嘅建築物，就會見到呢塊水牌。 大家亦都可以係六角形中間嘅一點影相打卡。 交通：...
假期最開心就係親親大自然，好多小山峰都人山人海，不過今次小編介紹嘅山就比較少人挑戰喇～ 「雞公嶺」位於香港新界西北，海拔585米，介乎位於元朗/粉嶺／上水之間，雞公嶺由兩大山峰組成，大家上山嘅時候就知道呢度群山連綿，跨過一個高峰又一個高峰。 不過呢度提提大家要注意路面平滑，由於呢度長期又非法越野機車活動而變得打滑，所以只適合有經驗嘅行山人士前往。 建議大家都可以帶埋手套、行山鞋、行山杖，因為斜坡幅度較大，上落時候有機會要攀爬。 如果行嘅大東山、龍脊果啲山，雞公嶺就啱晒你喇～新手需量力而為。 交通：...
馬草壟位於香港新界北區的一個地方，古洞北附近，鄰接元朗區。由於地理位置非常偏僻，原屬香港邊境禁區，直到2013年解禁。 宜家呢個地方已經成為攝影發燒友睇日落嘅最佳地方，而且企喺位於料壆村嘅小山上面更可以一覽無遺呢度開揚景色～ 日落時餘暉照射喺一大片魚塘上，如此美景喺不久將來會好快消失！ 呢度就係最佳影相位喇～ 而呢個麥景陶碉堡係屬二級歷史建築，到宜家都沿用緊，不過已經採用電子監察系統，作用係防止偷渡同打擊跨境罪行。 大家不妨趁呢度仲未嘅開發成為河套區前，嚟呢度攝影留念喇！ 交通：...
相信大家呢排Work From Home 都食到個人脹晒，趁著假期去行下山，今次小編帶大家行嘅係上水華山，華山位於新界北部上水一帶，由於有部分山路接近長甫頭及大嶺練靶場範圍。 大家出發前記住上網查詢解放軍練靶時間，詳情小編都會擺出嚟。 2022年3月份射擊日期及時間：按此查詢 萬一去到現場發現山上掛有紅旗時，即有練靶活動正在進行，切勿進入練靶場範圍，以免受傷。 由上水虎地坳走過形似「萬里長城」的華山，登臨大嶺「祈雨碑」，細讀清朝道光年間古碑，遠眺新圍大嶺靶場一帶景色，最後抵達禾徑山打咚咚石。沿途多為舊有軍用車路，小部分為鄉村車路。...
位於上水河上鄉附近嘅一間室外桃園咖啡店，假日想遠離市區嘅精緻咖啡店、城市嘅煩囂，同朋友、家人開車嚟附近休息，歎番個下午茶就最適合不過，無論室內或室外都好啱大家去打卡同放空，餐廳對出仲係個湖，大家仲可以帶埋毛孩嚟。 餐廳入面嘅玻璃小屋，好靚。 識揀都係揀呢位影相，都建議大家著番啲比較田園風嘅衣著。 仲有All Day Breakfast。 假日嚟歎番杯咖啡。 秘製香草雞中翼。 咖喱拼盤，有牛柏葉、魷魚、魚蛋、同埋自家製咖喱醬。 戶外座位都好寫意，有鞦韆、小路、同埋數張台凳起戶外，假日期間喺度hea足全日都得。 ...
