【深圳好去處】北上唔好淨係行商場！6大特色深圳博物館推介（免費入場/附預約方法）

北上深圳玩唔好淨係行商場啦！深圳有好多極具特色嘅博物館，全部都係免費入場，無論係一家大細親子遊，定係帶長輩去行下都非常之啱！

小編今次為大家整理咗 6 大必去嘅特色展館，由可以試彈百年古董鋼琴嘅音樂館、充滿 Cyberpunk 感覺嘅電子館，到展出 26 米長恐龍骨架嘅全新自然博物館都有！文末仲為大家按口岸分好區，兼附上各大展館嘅預約連結，即刻睇下邊間最啱你心水啦！

6大深圳特色博物館一覽

今年 7 月 28 日全新開幕嘅超大型展館，佔地逾 10 萬平方米，視覺超級震撼！建築以河流三角洲為設計概念，設有 8 大主題展廳，涵蓋恐龍化石、宇宙星系及大量野生動物標本。最矚目必定係恐龍廳入面一具 26 米長嘅馬門溪龍骨架，仲有懸空觀景台可以俯瞰全場，絕對係親子研學必去場館！

全國最大嘅歷史鋼琴專題館！館內展出 258 台過百年嘅古董鋼琴，當中最古老嘅一部足足有 259 年歷史！你仲可以親眼欣賞到蕭邦、貝多芬、李斯特曾經彈奏過嘅名琴。最正嘅係，現場設有 3 台百年古董鋼琴可以俾訪客親自試彈，樂迷絕對不能錯過！

如果你鍾意歷史同異國文化，南山博物館而家做緊「滄溟載藝—法國凱布朗利博物館藏大洋洲藝術珍品展」。展出 171 件來自大洋洲嘅珍品，包括巨型獨木舟、靈魂之面木雕同鯨牙項鏈！展覽以四大篇章呈現六萬五千年嘅海洋文明，傳遞「海洋是道路，萬物有靈」嘅獨特世界觀。

將中國電子第一街嘅發展史，用超型格嘅霓虹燈同復古電子產品牆呈現出嚟！館內有好多互動遊戲，連洗手間都極具玩味，巧妙運用電腦鍵盤拼砌出 Hello Kitty 等卡通圖案設計，打卡出片率極高！

建築外觀採用銀色流線型設計，充滿未來感，自帶科幻濾鏡。常設展覽有「大潮起珠江」回顧改革歷程，以及「城市規劃展」。展館內有 72 米沉浸式巨幕、3D 城市沙盤同 AR 互動裝置，生動呈現深圳由漁村演變為都會嘅故事。5 樓仲有兒童區可以俾小朋友 DIY 理想城市。

想帶爸爸媽媽懷舊一番？呢度展出大量 80、90 年代嘅真實生活用品，例如帶天線嘅大牛龜電視同「大哥大」水壺電話，復古感滿滿！館內仲完美復刻咗當年嘅舊街市、打工仔工廠流水線同懷舊茶樓，長輩睇到絕對極有共鳴。

出發前可以按自己方便嘅口岸，規劃去邊一區嘅展館最順路：