澳門唔止大三巴！2026 澳門暑假好去處 活動時間表一文看清

暑假過大海去澳門玩，仲係淨係識去大三巴同食豬扒包？其實今年暑假澳門有超多精彩盛事同展覽等緊你！無論你係想瘋狂掃貨、帶小朋友放電玩水、定係想同男女朋友去飲杯嘢睇靚騷，都一定搵到啱心水嘅節目。

小編為大家整理好 2026 澳門暑假好去處 ，精選咗 8 大必去活動同時間表，即刻 Save 低準備 Plan 行程啦！

狂熱盛事 ✕ 室內掃貨推介

• FIFA世界盃展覽 & 片區戶外生活節 足球迷注意！呢個世界盃歷史藏品展會喺葡京人展出，同場仲有花式足球表演、潮流市集同音樂演出。

  • 日期： 即日起至 7 月 19 日

  • 地點： 葡京人 / 媽閣塘片區 / 荔枝碗船廠片區等

2026 金沙物美嘉年華 暑假想留喺室內歎冷氣掃平貨，呢個嘉年華就啱晒！全場免費入場，有各大品牌折扣、地道美食，仲設有兒童遊樂區畀小朋友放電。

• 日期： 7 月 23 至 26 日

• 地點： 威尼斯人金光會展

消暑玩水 ✕ 視覺大騷

• 新濠影滙「迪士尼滙聚嘉年華」 一家大細消暑必去！有超好玩嘅迪士尼太空水世界、勁多迪士尼打卡裝置，仲有限定主題美食及精品等你帶返屋企。

  • 日期： 即日起至 11 月 1 日

  • 地點： 新濠影滙水上樂園及商場

張藝謀《澳門2049》駐場秀 想睇視覺震撼大騷，首選張藝謀導演嘅《澳門2049》！結合科技舞台與非遺文化，絕對為你帶嚟頂級嘅視聽享受。

• 日期： 每週三至週五晚間 19:30 至 20:50

• 地點： 美獅美高梅劇院

親子放電 ✕ 街頭活力

• 第三屆澳門國際兒童藝術節 & 兒童電影展 非常適合親子行程，包羅萬有嘅表演、工作坊、展覽，仲有近 30 部兒童電影放映，保證小朋友玩到唔捨得走。

  • 日期： 即日起至 8 月 30 日

  • 地點： 澳門文化中心、戀愛・電影館等

國際青年舞蹈節 2026 限定 6 日嘅青春活動！會有大型街頭巡遊、室內外舞蹈匯演，成個澳門街頭都會充滿活力氣氛。

• 日期： 7 月 18 至 23 日

• 地點： 大三巴牌坊、議事亭前地等

老街微醺 ✕ 文青藝術

• 內港酒吧巡禮 2026 夜晚想慢遊同 Chill 下？跟住酒吧地圖去勻各區特色合作酒吧，加上品酒市集、Live 音樂同工作坊，享受微醺週末。

  • 日期： 7 月 25 日至 8 月 16 日

  • 地點： 澳門十六浦戶外廣場、各區特色合作酒吧

• 永續未來《延・生》藝術展 文青必睇嘅環保主題書畫及攝影展，7 月 18 日起仲會移師去 Cafe，可以一邊歎啡一邊欣賞藝術品。

  • 日期： 即日起至 8 月 7 日

  • 地點： 花城公園展廳 / 遊咖啡