【請兩日假去上海】新手必睇！4日3夜文青Citywalk＋迪士尼終極懶人包

上海最迷人嘅地方，在於百年中西交融同「老上海」民國風嘅感覺。呢度有充滿歐陸風情嘅外灘，轉過頭又可以走入傳統嘅豫園同城隍廟；隔住一條黃浦江，對岸就係極具現代化嘅陸家嘴摩天大廈。中西合璧、新舊交融，視覺衝擊絕對震撼！

如果你係第一次編排上海行程，小編已經為你精心規劃好一個「請2日假」就可以出發嘅 4日3夜新手路線，集合晒網民嘅精華推介，交通、住宿、打卡、美食一文睇清！

4 日 3 夜上海行程：每日路線圖大公開

初到魔都，當然要感受最繁華嘅天際線同經典地標，建議慢慢散步感受氣氛。

路線： 南京路步行街 ➔ (步行約16分鐘) ➔ 外灘 ➔ (步行約16分鐘) ➔ 外白渡橋 ➔ (搭地鐵2號線約27分鐘) ➔ 東方明珠 ➔ (步行約15分鐘) ➔ 陸家嘴 ➔ (步行約8分鐘) ➔ 國金中心
打卡重點：
- 外白渡橋： 充滿紅橋電影感，係外灘必去嘅影相位。
- 陸家嘴： 打卡「三件套」，金融區夜景超級震撼。
- 國金中心： 可以用天台視角完美打卡東方明珠。

💡 小貼士： 第一晚一定要留俾外灘或陸家嘴睇夜景！

下晝先逛充滿法國梧桐嘅文青區，夜晚再去古典園林感受截然不同嘅氣氛。

路線： 武康路 ➔ (步行約16分鐘) ➔ 安福路 ➔ (搭地鐵1號線約27分鐘) ➔ 新天地 ➔ (搭地鐵13號線約20分鐘) ➔ 田子坊 ➔ (搭地鐵9號線約30分鐘) ➔ 豫園 ➔ (步行約15分鐘) ➔ 城隍廟
打卡重點：
- 武康路 & 安福路： 必影武康大樓，街區文青小店同咖啡店極密集。
- 新天地 & 田子坊： 穿梭石庫門街區同老弄堂，潮流感與手作氣息滿滿。
- 豫園 & 城隍廟： 絕美古典園林，夜晚著燈後美食與古建築同框，打卡一流。

💡 小貼士： 夜晚留俾豫園同城隍廟最有氣氛！

鍾意影相、打卡建築與塗鴉嘅朋友，呢日行程絕對會令你瘋狂㩒快門。

路線： 人民公園 ➔ (搭地鐵40分鐘) ➔ 1933老場坊 ➔ (搭地鐵20分鐘) ➔ 多倫路 ➔ (步行9分鐘) ➔ 甜愛路 ➔ (搭地鐵5分鐘) ➔ 魯迅公園 ➔ (搭地鐵40分鐘) ➔ M50創意園
打卡重點：
- 1933老場坊： 極具特色嘅工業風建築，光影感超強。
- 甜愛路： 傳說中嘅「愛情馬路」，有好多可愛塗鴉牆。
- M50創意園： 充滿大型塗鴉壁畫，文青必去。