第四屆黃大仙信俗文化節即將舉行！療癒叉電好去處、藍曬/彩繪風鈴/艾草香包/再生盆栽/樽蓋再生匙扣等12場工作坊免費報名
返工咁攰，係咪想搵個地方抖下氣、療癒下心靈呢？ 推介一個意想不到嘅叉電好去處俾你，就係黃大仙祠喇！ 嗇色園將會喺11月15日至23日舉行一年一度嘅「第四屆黃大仙信俗文化節」，活動主題係「萬物‧和諧‧共生」，希望從傳統文化同宗教智慧中，探索現代人與自然嘅連結，並從生態保育以及環境資源等議題上獲得啟發，逾20場活動就好似一個大型嘅心靈療癒之旅，集齊講座、自然體驗、手作坊，淨係想你過嚟玩吓放鬆吓，大部份都係免費㗎！
12場 「共生手作」——免費工作坊
藍曬工作坊、彩繪風鈴工作坊、樽蓋再生匙扣工作坊、艾草香包工作坊、再生盆栽工作坊、抄經工作坊等等，無需報名，只要即場Follow佢哋嘅IG/FB 就可以參加，唔止全部免費，仲可以帶埋你嘅小手作返屋企，CP值極高！
4場「和諧之道」——文化講座
唔好聽到「講座」就覺得悶，今次請嚟嘅嘉賓都好猛料，好似常霖法師會分享「與自然共生的生活智慧」，仲有國家級非物質文化遺產代表性傳承人李耀輝博士主講嘅信仰文化講座，以及同園林建築、中國山水畫有關嘅講座，聽完肯定啟發到你嘅靈感！
6場「萬物同行」——自然體驗
唔係齋坐喺度聽書，而係真係「落手落腳」進過手碟音樂演出、塱原生態水彩體驗、火山六角柱地質導賞、咖啡渣再生體驗、再造棄木等去感受自然！
