藝術新地標 · 夏日MGM漫遊記｜2日1夜玩轉澳門

By 放假去邊 Openholidays on 17 Aug 2025

今個暑假想搵個地方放鬆又啟發靈感？澳門美高梅就係你最佳選擇！由世界級展覽、未來感十足嘅AI互動體驗，到童趣十足嘅繪本樂園，一次過滿足你對「藝術 × 文化 × 科技」嘅所有幻想。快啲plan個2日1夜藝術漫遊行程，感受今個夏天最靚最有內容嘅旅程！

🎒 暑假玩出新高度｜美高梅夏日漫遊記，開展沉浸式藝術旅程！
暑假去邊好？想玩得有深度又唔悶？不如嚟澳門美高梅開展一場充滿靈感與驚喜嘅夏日文化探索之旅！不論你係藝術迷、科技控，或者想搵親子放電活動，以下呢幾個展覽同體驗都保證讓你滿載而歸！

🌊 探索千年海路文化｜保利美高梅博物館《海上絲綢之路》特展
行入澳門美高梅Cotai內嘅保利美高梅博物館，你就會被呢場震撼的《海上絲綢之路》特展吸引住。展館設計靈感來自沉船古港，展出大量珍貴文物，包括古船殘骸、瓷器、錨具等歷史見證。配合多媒體互動，觀眾可以如穿越時空般，體驗昔日東西文化交流嘅壯麗航程。展覽全日開放，而且免費參觀，無論你係歷史愛好者或普通遊客都絕對值得一睇！

🎭 未來舞台 · 沉浸體驗｜《澳門2049》沉浸式舞台劇
由國際級導演張藝謀打造嘅沉浸式舞台劇《澳門2049》，係MGM劇院嘅重點節目之一。融合非遺藝術與未來科技，整個演出打破傳統舞台界限，觀眾唔再只係睇戲，而係親身走入舞台，成為故事嘅一部分。視覺震撼、內容創新，絕對係藝術迷今個暑假不能錯過嘅一場盛宴！

🤖 AI互動創意新地帶｜《cAI™️實驗室2.0》數碼展
由7月20日至9月22日，澳門美高梅二樓「百寶箱」化身成為未來感十足的《cAI™️實驗室2.0》。呢度唔係普通展覽咁簡單，而係一個你可以同AI互動、創作數碼煙花、傾心事嘅地方！AI可以即時感應你嘅動作、聲音、觸碰，轉化為專屬嘅視覺作品。仲有個「神秘電話亭」，你同AI傾完計後，佢會送你一句專屬詩句，非常治癒！呢個展覽一樣免費入場，非常值得一去！

📚 親子最愛 · 繪本夢世界｜《線條魔法：塞吉·布洛克的繪本遊樂園》
如果你帶住小朋友去旅行，咁一定唔可以錯過由法國插畫大師塞吉·布洛克打造嘅《線條魔法》展覽。呢個展覽會由7月4日開放至9月14日，設於媽閣塘片區海事工房1及2號。塞吉以自由奔放嘅線條創作出一個又趣怪又富童真的藝術空間，令人仿如走進繪本世界。展覽同樣免費入場，無論影相打卡定放電放鬆都啱晒！