【深水埗好去處】九龍麵粉廠60周年體驗館×Cafe！限定麵粉袋/生吐司/牛角包

By kelly kwok on 19 Jul 2024

九龍麵粉廠60週年喇~

今次小編推介呢個活動非常特別，九龍麵粉廠將聯乘深水埗Colour Brown x GO.ON Space 舉行體驗館及市集，等大家了解下本地麵粉廠。

現場仲可以即席玩絲印體驗，由工廠一班員工將九龍麵粉廠經典場景整成縮影，包括圓柱麥倉、橙色吸麥塔、綠色輸送管道、逾半世紀歷史各種機器設備等，俾各位參觀人士猶如置身廠房。

仲有「麵粉袋藝術廊」，多款唔同麵粉袋嘅設計都係出自麵粉廠嘅負責人蔡太之家翁蔡老先生手筆，大家可以細心留意觀賞，因為部分麵粉袋甚少對外曝光。

體驗館內更設有Cafe推出限定菜單，選用咗九龍麵粉廠的藍水仙低筋、綠劍蘭中筋、黃僑高筋麵粉跟麥胚，並製作成一系列烘焙品、麵食同埋特飲。

每天新鮮焗製的烘焙品包括合桃酥牛角包（$38）、英式鬆餅（$35）、鹽可頌（$28）和生吐司（$42）；麵食則有適合素食者的豆乾拌麵（$98）、充滿台式風味的蔥油雞拌（$118）和惹味的蒜油蝦意粉（$128）。至於特飲方面，Colour Brown 妙用麵粉的副產品「高纖胚芽」進行創作，有胚芽薑黃咖啡（$58）、樽仔胚芽奶茶（$58）和樽仔胚芽鴛鴦（$58）等等。