【日本住宿】大阪10間新酒店推介2024！人氣室內溫泉、打卡房間露台、步行8分鐘即到車站
大阪作為日本第2大嘅城市，每年吸引唔少香港遊客「返鄉下」。不過有去過大阪大嘅你都知道，新酒店愈開愈多，想搵舒適又方便嘅酒店，今次就特別為大家精選以下10間人氣新酒店， 全部都係位於心齋橋、難波、道頓堀、黑門市場附近，當中仲有室内溫泉、露台房揀添！
=====
大阪梅田芬迪別墅大酒店（Villa Fontaine Grand Osaka Umeda）
賣點： 超豐富日式早餐
呢間酒店位於唔同車站嘅交界，基本上行10分鐘就已經可以到大阪站、梅田站、梅田東站，酒店有大浴場同埋少見嘅岩盤浴，大家shopping完一日，自然可以好好放鬆下。 唔可以唔提嘅，就一定係酒店嘅超豐富日式早餐，3種烤魚任你食，而且每日都有唔同主打的食材，烏冬、泡飯、日式五花肉，樣樣都有齊，超驚喜！
地址 : 2-15-9 Sonezaki, 530-0057, 北區, 大阪市, 大阪府, 日本
=====
HOTEL THE LEBEN OSAKA
賣點：8分鐘到心齋橋站
酒店喺2022年3月開幕， 仲係好新淨，而且地理位置好方便，只需要8分鐘路程就可以到達心齋橋站同商店街。酒店主打素色為主，營造出居家嘅感覺，非常適合打卡，更值一提嘅係，房入仲會提供雪肌精系列嘅護膚品，深受一眾女仔力捧！
地址 : 2-chōme-2-15 Minamisenba, Chuo Ward, 542-0081, 中央區, 大阪市, 大阪府, 日本
=====
大阪新今宮知鄉舍酒（Chisun Standard Osaka Shin-Imamiya）
賣點：鄰近熱門景點
酒店從關西機場可直接到處，距離JR新今宮站只有200米，交通方便。設計大走深色木系主調，簡約舒適，附近仲有多個熱門景點，如通天閣、天王寺動物園、新世界本通商店街等。
地址 : Hanazono-kita 1-2-23, 557-0016, 西成區, 大阪市, 大阪府, 日本
=====
Mimaru大阪難波站（MIMARU Osaka Namba Station）
賣點：小朋友天地
位於大阪難波區嘅新酒店，賣點係寬敞舒適嘅公寓式客房，好啱哂屋企人同長期旅客。每間客房都有獨立廚房同洗衣設施，有如置身喺屋企咁，而且仲有小朋友遊戲房。酒店嘅設計結合咗現代同傳統嘅日式風格，營造出溫馨舒適嘅氛圍。附近有好多著名旅遊景點，包括道頓堀、黑門市場同心齋橋，行幾分鐘就可以到車站，出行好方便！
地址 : 3-6-24 Nipponbashi, Naniwaku, 556-0005, 浪速區, 大阪市, 大阪府, 日本
=====
星野集團 OMO7 大阪（OMO7 Osaka by Hoshino Resorts）
賣點：面積最大酒店之一
位於JR新宮嘅星野集團 OMO7 大阪，可以話係大阪佔地面積最大酒店之一，入面有齊商店、自助餐廳、溫泉浴樓同埋花園，仲為住客提供大阪環球影城免費接駁巴士！酒店設計大走現代風格，房入面可以睇晒大阪景色，絕對值得入住。
地址 : 3-16-30 Ebisu-nishi, 556-0003, 浪速區, 大阪市, 大阪府, 日本
=====
御宿野乃澱屋橋天然温泉酒店（Oyado Nono Osaka Yodoyabashi）
賣點：日式温泉酒店
去日本旅行，浸温泉當然唔少得！酒店位於大阪市中央區，大走傳統日式設計，提供室內浴、鍋浴、水浴、層疊熱水、高溫桑拿等溫泉設施，每間客房都係日式榻榻米以及趟門設計，要影靚相，記得着埋套和服！
地址 : Chuo-Ward Kitahama 2-5-19, 541-0041, 中央區, 大阪市, 大阪府, 日本
=====
W大阪（W Osaka）
賣點：處處都係打卡位
作為日本第1間嘅W酒店，W大阪設計，可以話係非常創新， 酒店入面有大量霓虹燈裝飾、鏡面元素， 隨時都可以打卡影靚相。房內有迷你酒吧，大家可以自己調製雞尾酒，愛酒人士唔可以錯過；窗外仲仲可以睇到大阪市中心連接南北嘅主要街道御堂筋， 望住人來人往嘅街道真係別有一番風味。
地址 : Minami Semba 4-1-3, 542-0081, 中央區, 大阪市, 大阪府, 日本
=====
Welina酒店心齋橋和NAGOMI（Welina Hotel Shinsaibashi Nagomi）
賣點：性價比高
步行6分鐘就到日本橋站，酒店用「竹」做主題，周圍都可以見到竹製屏風同裝飾，非常有日和感覺，雖然酒店只係得兩種房型選擇，不過勝在性價比高，下次去大阪一定要住下！
地址 : Chuo-ku Shimanouchi 2-10-24, 542-0082, 中央區, 大阪市, 大阪府, 日本
=====
Travelodge大阪本町彩鴻酒店（Travelodge Honmachi Osaka）
賣點：日系打卡簡約風
酒店距離大阪本町站只係3分鐘路程，輕鬆出發日本環球影城、京瓷巨蛋等，酒店樓高14層，大走日系簡約風，房間以淺木色為主，配白色內牆同埋日本畫作，最啱打卡影相。附近有多間街頭小食店， 隨時都可以食到好嘢！
地址 :
安土町3-2-6, 中央區, 大阪市, 大阪府, 541-0052, 日本
=====
大阪心齋橋楓公寓（Kaede Hotel Shinsaibashi East）
賣點：30分鐘就到日本環球影城
鄰近心齋橋嘅大阪心齋橋楓公寓（Kaede Hotel Shinsaibashi East），方便shopping之餘，每間房最都可以容納6人入住， 啱晒一家大細或者同朋友出行，每種房型都仲有個露台， 完全有日本民宅嘅感覺， 唔講以為自己拍緊日劇添！最緊要嘅係，距離日本環球影城只係30分鐘車程，認真方便！
地址 : 6-11-23, Tanimachi, 中央區, 大阪市, 大阪府, 日本
