【觀塘賞花2024】茶果嶺海濱公園紫花風鈴木盛開！20棵紫花風鈴木盛放

茶果嶺海濱公園入面種植咗約20棵紫花風鈴木，根據康文署網站顯示，公園內嘅紫花風鈴木已經盛開，大家假期可以去公園賞花啦！

茶果嶺海濱公園佔地面積約1.8萬平方米，設有涼亭、園景區、草坪、兒童遊樂設施及健體設施等，海濱空間嘅「寵物共享公園」，可以帶埋寵物入去添！

海濱空間長約1.7公里，沿著海邊行下，聽著海浪聲，感受涼爽嘅海風~ 都幾relax！

紫花風鈴木屬紫葳科落葉喬木，原產地分布在墨西哥的西北部至阿根廷的西北部，樹高可達30米。花期在春季，開花時花多葉少，密集的花朵把整個樹冠染成紫紅色，景色令人難忘。

假期諗唔到去邊，不如就去親親大自然啦！

茶果嶺海濱公園
港鐵 : 觀塘港鐵站B1出口步行約13分鐘
港鐵 : 藍田港鐵站D1出口步行約15分鐘