【深圳美食】科學館站附近三層高獨棟日式餐廳，必試壽喜燒+鰻魚蟹籽玉子燒+梅子酒

羅湖萬象城附近有一間獨特嘅日式餐酒館！
白色獨棟庭院設計好吸睛！餐廳共有3層樓。一樓主要係甜品同咖啡小館，二樓係料理食堂，仲有靠窗嘅座位，可以一邊食飯一邊欣賞窗外風景。三樓係一個露天花園，傍晚嚟呢度小酌一杯都幾浪漫~

NADO全日營業，提供午餐、下午茶、晚餐、甜品同酒水。

壽喜燒
天氣凍啲就要試下壽喜燒，大大塊和牛，蘸上蛋液食更加鮮嫩多汁。如果加埋店裡自製嘅泡菜，就變成泡菜壽喜燒湯底，一次過可以試到兩種口味，好正！

鰻魚蟹籽玉子燒
圓形造型嘅玉子燒同傳統嘅玉子燒唔同，仲有鳗鱼同蟹籽，口感豐富，食完唔會覺得漏。

雞皮棒棒配温泉蛋
雞皮包住雞肉餡，外脆內嫩，蘸埋温泉蛋液食，滋味十足，配埋梅子酒就更滿足啦。

士多啤梨藍莓梳乎厘
深圳排名前三嘅梳乎厘就喺呢度食到啦！即叫即做，好大份，入口即化，食落唔會覺得太甜，士多啤梨同藍莓都好新鮮。

特濃焦糖布丁燒
呢度嘅甜品都幾好味，除咗梳乎厘之外，特濃焦糖布丁燒都值得試下，每次去都一定要食！

梅子酒
NADO自家釀製嘅青梅酒，選自「椿山曉」，低糖釀造，熟成咗365日。鍾意微醺嘅朋友千祈唔好錯過啊～

NADO那都
營業時間：10:30-22:30（小食同主食14:30-17:30暫停供應）
地址：南園路向東國村53棟（科學館F出口對面馬路）
地鐵：1/6號線科學館站F口行140米