【黃大仙美食】高質台灣菜！必試台式便當+芋圓牛乳黑糖沙冰

今次介紹黃大仙一間台灣菜，餐廳最近新推出台式便當！每款便當都好豐富，下次去黃大仙記得試下啦！

共有三款台式便當，包括古早味炸豬扒、台式小食及鹽酥雞。古早味炸豬扒好入味，配上肉燥、鹵水豆腐、溏心蛋及菜脯等配料，味道豐富！

台式小食便當就冇咁熱氣，有甜不辣及香腸，啖啖都係正宗台灣味道！

小編特別推介鹽酥雞，炸衣輕薄，外脆內軟，香口惹味，帶有輕微九層塔香氣！

餐廳嘅台式鐵鍋湯都好受歡迎！必試椰子雞湯，自家熬製湯底，味道清甜！可以加配料打邊爐~

鐘意食辣嘢可以揀麻辣鴨血湯，湯底夠麻夠辣，嗜辣人士值得一試！

記得唔好錯過店內甜品！天時熱食返碗沙冰啱晒~ 3.6牛乳仙草芋圓大盛有齊牛乳黑糖沙冰、珍珠、紅豆麻糬、仙草、手打芋泥。份量十足，可以兩個人share一碗！

三色芋圓煙韌軟糯，分別有紫薯、番薯及芋頭味。芋圓控必試！

嘆嘆
地址：黃大仙龍翔道136號黃大仙中心北館地下G06E-G06G號舖
營業時間：星期一至日11:30 - 21:00