【尖沙咀美食】厚福街高質港式糖水店，必試開心果豆腐花+芒果冰

今次介紹尖沙咀厚福街呢間甜品店，店內主打中式糖水，必試招牌開心果豆腐花！

香濃開心果露採用意大利開心果，特製石磨低溫研磨，味道香濃，加上豆腐花，口感更豐富！可以自選甜度，店家推介甜度啱啱好，唔會太甜膩。

另外店內更有芝麻糊、腰果露、核桃露等中式糖水。

開心果控絕對要試埋開心果醬多士同開心果奶蓋紅茶特飲！啖啖都係開心果味～

另外，店內有三款冰為大家消暑，包括龍眼冰、榴蓮冰及芒果冰。

每款都好足料！芒果冰真係好吸引，芒果味特別香濃，再配上滿滿嘅芒果肉，好滿足！

下次經過厚福街記得試下呢間糖水店啦！

研香
地址：尖沙咀厚福街7號地舖
圖片來源：IG @grindie.hk