【悟空拳套】法國運動品牌推《龍珠》款拳擊手套！菲利、斯路同魔人布歐都有！
最近法國運動品牌 ELION Paris 同日本經典動漫《龍珠》合作，
聯手推出拳擊手套！
今次拳擊手套一共有六個款式，分別係孫悟空、比達、悟飯、菲利、斯路同魔人布歐，
按照角色嘅特徵同主體顏色所設計！
產品亦加入 Elion 嘅運動配件，每款大約港幣$2,000。
孫悟空款
呢款偏橙紅色嘅拳套，就係屬於孫悟空！
喺魔術貼手腕位置亦寫上「悟」字㗎～
比達款
拳套係依照比達最初嘅戰鬥服嚟設計～
悟飯款
呢款拳套係依照著悟飯嘅閃電能力，
而喺手腕位置亦印上一個「魔」字，其實即係代表悟飯嘅師父—笛子魔童。
對於拳擊愛好者嚟講，
可以戴著心愛嘅角色拳套上擂台，
相信武力值一定提升呀！
至於菲利、斯路同魔人布歐，
都係依照著佢哋嘅膚色而作為拳套顏色～
相信你已經聯想到係邊個角色！
菲利款
斯路款
