【香港】旺角新開高質和牛燒肉放題！居酒屋風裝修！無限歎M8和牛＋海鮮！

By 放假去邊 Openholidays on 30 Jun 2022

旺角又有新開嘅日式燒肉店啦！主打澳洲頂級和牛同海鮮！仲係放題店，有超多唔同部位嘅牛食，仲有多達154款料理俾你任食！

呢間店舖有4款唔同價位嘅燒肉放題套餐，分別有任食澳洲M8和牛同伊比利亞黑毛豬，一共154品嘅【頂級澳洲和牛海鮮放題】；可以無限追加多款海鮮！另外有139品嘅【極上牛小排海鮮放題】、113品嘅【上品牛肩胛放題】，有日本直送嘅博多雞同宮崎豬可以食，仲有92品嘅【厚切豚肉放題】。每款放題都可以無限追加醬料、多款日式野菜、冷盤、小食、主食、甜品同湯等等，每位客人都會有免費 MÖVENPICK® 雪糕一杯同無酒精飲品放題。