【香港】荔枝角新開台灣菜，必試流心蛋芝士雞腿吐司+黑糖紅棗芋圓

今次介紹呢間台灣菜原本喺葵廣都有間分店，不過果間就只做外賣。新開嘅荔枝角就可以堂食。

除咗有人氣嘅半熟流心蛋芝士吐司，都有多款台灣小食，滷肉飯，甜不辣都有～

食物選擇都幾豐富！

吐司太吸引啦！新店有兩款吐司，包括慢烤雞腿芝士蛋吐司及台式豬扒半熟流心蛋芝士吐司～麵包香脆，肉類都幾嫩滑，食落口感豐富，配上蛋汁好juicy～

滷肉飯都值得一試！味道都幾正宗，用半肥瘦豬肉，口感軟淋，啖啖飯都可以配上肉，好滿足！

小食都有幾多選擇，味道都唔錯～

仲有自家製芋圓食！口感煙韌，配上黑糖紅棗薑湯，好暖胃。

飲品當然唔少得冬瓜茶啦！另外都推介桂花雪梨羅漢果茶～清肺潤喉～

黑布小巷

地址：荔枝角長沙灣道883號億利工業中心4樓405室

圖片來源：@attitude_of_food、@marcosora、@aimei.hk