政府宣布11月中重新開放露營營地，漁護署亦宣布推行露營營地預訂系統先導計劃，首個試行計劃營地係位於大欖郊野公園嘅荃錦營地，地理位置方便，有洗手間同燒烤爐等！由即日起，市民可以透過指定網站預約！
由即日起，透過漁護署網上系統「郊野營人」，可預訂荃錦營地29日內嘅營位。系統所見，現時荃錦營地所有開放可供預約嘅周末均已爆滿！只餘下少量平日位置！
荃錦營地位於麥理浩理第九段起點，於荃錦公路旁巴士站下車，步行5分鐘即可到達口，位置方便。合共提供37個營位，其中4個為雙營位。荃錦營地單營位可以容納1至4人，而雙營位則可容納5至8人。
每個營位均附設1個平台同1套燒烤爐及可供煮食爐具使用嘅枱櫈。營地同時設有洗手間、水源同垃圾收集設施，適合一家大小或三五知己前往！
預約步驟非常簡單！喺「郊野營人」網站點選「預約營位」，確認兩項聲明後，選定入營日期及離營日期。
系統會列出可供預約嘅營地位置，點選「預約」後填妥個人資料，即可提交表格。完成預約後，會收到電郵確認。
荃錦營地設有營地服務處，入營前需完成入營手續，取得「露營卡」後先可使用營地附設爐具。每日入營時間為下午2時至6時，離營時間為離營日上午11時前。
每名申請人每次只可預約1個荃錦營地營位，每次可預約1晚或2晚。視乎營位供應情況，營友可以喺入荃錦營地後再預約同一個或另一個營位留宿多1至2晚，即最多可連續預約2次，惟每次不多於2晚，最多可在荃錦營地留宿4晚。
系統會喺每日午夜更新可供網上預約日子，市民可以預約未來29日內營位。不設預訂即日營位，網上系統預約截止時間為入營前一天下午6時，如入營日為2月1日，網上預約截止時間則為1月31日下午6時。
預約名額為先到先得，本港居民及非本港居民都可以預約，非香港居民預約名額上限為營位總數之3成（即最多佔11個營位）。成功預約嘅荃錦營地名額不能轉讓，如成功預約荃錦營地、但未有出席或未能及時取消預約，或有機會被暫停預約荃錦營地資格90天。
荃錦營地
地址：大欖郊野公園內
交通：荃灣如心廣場巴士總站或荃灣港鐵站上蓋巴士站乘搭51號往上村巴士，於「大帽山郊野公園」站下車，步行約5分鐘即可到達。
預約網站：https://www.camping.gov.hk
*以上資訊只供參考，如有任何變化或更改均以現場情況或商戶決定為準*
【香港】新蒲崗新開簡約清新Cafe，必試巴斯克芝士蛋糕+焦糖洋蔥卷
【香港】八月堂限定優惠買三送三！新品「可頌鬆餅」登場！
【香港】新加坡小魚尾獅Merli主題Staycation！新加坡美食＋曲奇工作坊！仲有水上遊戲！
【香港】CASETiFY聯乘美少女戰士系列第二彈，iphone14機殼+無線充電器+手機掛繩
【香港】海洋公園哈囉喂揭幕！鬼屋大門正式打開！
【香港】沙田打卡玩樂一日遊，必影7米高路飛+和風花燈長廊+飛行棋競技場