fbpx

【香港】沙田簡約日系寵物友善餐廳!同毛孩一齊歎意法料理!

9 月 1, 2022 | 香港, 沙田 / 大圍, 美食

☉ 瀏覽次數 : 879

沙田近期開咗間新嘅寵物友善餐廳,以日系簡約設計風格為主,餐廳係知名意大利餐廳Palco Ristorante同意法料理餐廳PANO嘅行政總廚Chef Ken Lau親自主理。所以喺呢間Café,用親民價錢就可以試到意法精品料理,一定要帶埋主子一齊試吓!

餐廳仲有Chef Ken Lau親自設計嘅寵物餐單,有一系列以健康又好味、又注重原汁原味嘅寵物菜式,仲融匯咗Chef Ken Lau意法料理嘅烹調手藝。




餐廳仲邀請咗星級馴犬師Eric Ko擔任顧問,喺餐廳室內設計同設施上提供意見,將人寵共融嘅氛圍提升。

室內嘅環境以淺色木紋為主,配合柔和燈光,舒適得嚟簡約。仲有兩層高、一共設有九張枱嘅木製台階位置,係毛孩們嘅打咭熱點。玻璃幕牆仲為餐廳提供足夠嘅自然採光,仲見到室外雅座同附近戶外嘅寵物樂園。店內特別增設洗手設施同提供對寵物無害嘅清潔用品。

燒法國鵪鶉香橙西柚沙律($118),鵪鶉肉嫩,撘配橘子類嘅生果一齊食,又Fresh又開胃!

必食推介有燒越南大頭蝦伴龍蝦忌廉汁意粉($188),龍蝦汁以龍蝦同赤米蝦自家熬製;超香濃,香味勁特別!啖啖蝦精華!

鮮蟹肉西蘭花意粉伴香蒜牛油汁($188),啖啖蟹肉勁滿足,仲好香牛油味!

野菌忌廉湯($58)就採用了啡菇、野菌、日本本菇、羊肚菌和牛肝菌煮成,菇香撲鼻!

寵物餐單賣相精緻,仲係每日新鮮製作。必試寵物啤酒,話就話係啤酒,其實係用咗米鴨、蟲草同杞子每日燉3小時嘅蟲草花杞子燉鴨湯 ($68)

仲有啟發自法國菜中肉凍(Terrine)嘅野菜豬肝法式凍批 ($68)、慢煮美國極黑牛肋骨 ($148)等菜式,呢款焗紫薯三文魚批 ($68)就啱哂貓貓。

Woofy
地址: 沙田正街18號新城市廣場1期1樓165號舖
營業時間: 星期一至星期日 上午11時半時至晚上9時半

*以上資訊只供參考,如有任何變化或更改均以現場情況或商戶決定為準*

Klook.com
X