fbpx

【香港】天貓香港宣布10月底關閉!開業一年後停運!消息指將整合資源到淘寶香港站!

7 月 22, 2022 | 香港, 熱話

☉ 瀏覽次數 : 830

天貓香港基於業務調整,將於今年10月底正式關閉,去年先開業嘅天貓香港即將停業!

阿里巴巴(9988)旗下天貓香港今日喺手機應用程式貼出特別公告,指由於策略調整,將喺10月31日起關閉入口,用戶最後下單時間為8月22日前,未來將會聚焦以淘寶服務香港消費者,消費者可繼續喺淘寶購物。

而消息人士強調,集團認為香港發展空間好大,未來將會集中資源喺淘寶香港站,致力提高物流同支付服務。




天貓香港主要銷售新鮮食品同美妝產品,消息稱,淘寶香港跨境站有更多元、豐富嘅美妝產品予消費者,故客戶可繼續在淘寶搜購相關產品,惟新鮮食品方面,跨境站未能完全取替天貓香港,只能夠以天貓超市提供非新鮮食品的商品!

該消息人士又稱,現時淘寶跨境站喺到測試緊免費上門退貨,並開始開展同第三方合作提供上門安裝大型家居家具嘅一條龍服務。未來發展方向將包括指定商品本地包郵、快捷直運,精簡物流報價系統,令消費者選購大型商品時,可以減低物流費用。

 

*以上資訊只供參考,如有任何變化或更改均以現場情況或商戶決定為準*

Klook.com
X