fbpx

【香港】勝在夠地道! 香港六間隱世車仔麵店大集合 好食程度媲美名店!

5 月 17, 2022 | 香港, 美食

☉ 瀏覽次數 : 1930

講到香港經典美食,咁一定唔少得車仔麵!
豐富嘅配料、特色湯底、大大個麵底~
雖然冇以前咁抵食,但有香港風味又夠豐富!
除咗車仔麵之家文記永年士多等眾所周知嘅車仔麵名店之外,其實仲有唔少高質車仔麵店~
小編今次特登集合咗香港六間車仔麵店,車仔麵控絕對要睇呀!
(排名不分先後~~~)

===========================================
孖寶車仔麵
講到高質車仔麵,呢間車仔麵店又點會唔上榜呢?
位於葵芳嘅孖寶車仔麵,幾乎人人食過都話好食!
秘製湯底夠晒濃郁!仲可以加腩汁或者辣汁~
特別推介豬紅蘿蔔!
豬紅好入味!而且唔會散~
蘿蔔清甜冇渣!超好食!

INFO.
地址:葵芳葵富路7號葵涌廣場A15舖

===============
九記牛什粉麵
位於鵝頸橋街巿熟食中心嘅車仔麵店亦係附近街坊、白領嘅至愛~
老闆九仔日日六、七點就會開始處理新鮮牛雜~
款式超多~ 有牛膀、草肚、金錢肚……
招牌牛腸更加係洗完又洗兼揤走肥膏~

INFO.
地址:灣仔鵝頸橋街市熟食中心8號檔

===============
來多碗車仔麵
呢間麵店好低調~ 平時好少接受訪問,但附近街坊就唔會唔識!
30幾年歷史嘅「金僑小食」原班人馬喺觀塘重新開業~
但仍然保持水準!
車仔餸幾好味~
豬腸入味又夠腍、豬紅好滑~
鎮店之寶嘅辣魷魚更加係必食添!




INFO.
地址:觀塘康寧道62號地下

圖片來源:@ecsherlock

===============
肥公車仔麵
雖然油尖旺區有好多嘢食,但偶然食返碗車仔麵都幾滋味!
呢間車仔麵幾抵食,大部分嘅餸都係七蚊起~
勁足料!
麵煮得啱啱好~ 腩汁湯底亦夠哂濃郁!
極有港式風味!

INFO.
地址:旺角鴉蘭街5號c舖

===============
靚靚 不一樣的車仔麵
呢間車仔麵店標榜湯底係無添加味精嘅,
平時都有唔少學生、上班一族同遊客嚟幫襯!
每樣餸有唔同價錢,而且全部餸都分開上~
除咗豬紅、魚蛋、豬皮等基本款之外,仲有墨魚煎餅黑毛豬叉燒紅燒花膠等,款式夠哂特別!
其中九轉大腸更加係必食嘅~ 酸酸甜甜好有口感!

INFO.
地址:尖沙咀科學館道14號新文華中心地下22-23號舖

===============
華記小食店
由60年代開始店主父親已經喺青衣大街賣麵~
依家隱身於青衣涌美老屋村,由自稱「車仔麵王子」嘅店主接手~
呢度大大話話有三十幾款餸,小店嚟講已經算多!
車仔餸除咗跟足傳統做法之外,亦加入創新元素~
就好似以鯪魚肉、粟米、麥皮製成嘅炸雲吞,好爽口!
黑糖煙燻雞翼,同埋用拳頭打鬆肉質嘅寸勁豬頸肉亦都好特別!
而呢度嘅咖喱汁辣油仲係獨門秘製~
食唔食得辣都要試吓喇!

INFO.
地址:青衣涌美老屋村90號地下

圖片來源:@ecsherlock

*以上資訊只供參考,如有任何變化或更改均以現場情況或商戶決定為準*

Klook.com
X