fbpx

【深圳美食2023】6間人氣酸菜魚餐廳!好辣之人必食!

9 月 29, 2023 | 中國, 美食

中國菜款式多元化,其中源自重慶嘅酸菜魚

時至今日已經喺好多地方可以食得到!

但所用嘅配料同份量各異,都可以帶嚟不一樣嘅味道~

如果覺得喺香港食酸菜魚有啲奢侈,

咁不妨北上一試,平民價都食到高質惹味嘅酸菜魚!




1. 太二老壇子酸菜魚

太二打響名堂已經有好多年,但人氣依然不減!

將鱸魚嘅魚柳部分切成薄魚片,造出細嫩嘅口感,但每日限定賣100條咋!

再加上自家醃製一個月嘅酸菜,無論酸度定口感都恰到好處~

想試吓就真係要早少少過嚟排隊!

INFO.
深圳分店地址:按此

===================

2. 祿鼎記

「一山不能藏二虎」?小編又覺得有競爭先有進步嘛!

另一間被公認好食嘅祿鼎記,實力同樣被受肯定!

由廣州起家,好快就喺深圳開咗幾間分店,一樣人氣高企!

佢哋仲向食客保證「油只會用一次」,等大家可以放心食~

酸菜魚每條約有一斤重,單點就兩斤起,煮出嚟滑嫩又帶有鮮味~

雖然辣度係固定嘅,但好易入口,夠哂惹味!

不過如果你嫌唔夠喉?可以試埋其他川式辣食物㗎!

INFO.
深圳分店地址:按此

===================

3. 鱘龍記酸菜魚

唔講唔知,鱘龍記曾經登上寶安川菜榜首位!

當初只有一間位於寶安嘅店,但自從喺福田區車公廟開新分店之後,大家想食就方便得多!

店內最出名當然係酸菜魚,將辣椒同炸蒜粒一齊翻炒,

之後再淋上營養價值相當高嘅鱘龍魚上,食落香口!

而酸菜魚嘅湯底亦係用多條鯇魚熬製而成,真係好有心思~

無論係當湯飯定伴粉絲食,都一樣好開胃㗎!

INFO.
深圳分店地址:按此

===================

4. 勺爺拿手老壇酸菜魚

有啲人鍾意食酸菜魚,唔一定係為咗條魚~

勺爺嘅酸菜喺店內醃製,確保客人可以食到最新鮮嘅酸菜!

呢度仲有甜品供應,咁大家就可以食返碗冰粉或者秋葵木耳解辣啦!

INFO.
深圳分店地址:按此

===================

5. 姚姚酸菜魚

酸菜魚,顧名思義,最重要嘅係酸菜同魚!

姚姚酸菜魚同樣採用幾乎冇魚骨嘅鱸魚,肉質鮮嫩,份量十足!

客人仲可以一邊食,一邊觀賞廚師烹調酸菜魚嘅整個過程,

甚至掃瞄餐廳內嘅二維碼,了解魚嘅產地。

不過更多人係因餐廳以Tiffany Blue色嘅裝修所吸引而嚟,

計小編話齋呢個都係享受美食嘅過程嚟!

INFO.
深圳分店地址:按此

===================

6. 漁語魚活魚餐廳

如果想搞搞新意思?咁可以試吓主打新派川菜嘅漁語魚

酸菜魚分原味同麻辣,而魚亦有分鱸魚同黑江團~

另外可以加配蔬菜、菇菌等,但定價較高,視乎大家需要~

值得一提,佢哋仲成日推出優惠~

唔止送禮物、送酒、半價,甚至$1食魚優惠都有,各位可以留意下!

INFO.
深圳分店地址:按此

===================

如果下次有機會北上嘅朋友,不妨去試試以上六間嘅餐廳,

相信一定唔會令你失望!

圖片來源:網絡

*以上資訊只供參考,如有任何變化或更改均以現場情況或商戶決定為準*

Klook.com
X