fbpx

【日本好去處】精選Starbucks「10間特色門市」!推介東京HANA・BIYORI 溫室花園、神戶美利堅公園店、京都二寧坂彌榮茶屋店

3 月 28, 2024 | 日本, 玩樂

更多 酒店/機票/自助餐/門票 優惠可瀏覽 KlookTrip.comKkday

去日本旅行,唔少人嘅必去「景點」就一定係Starbucks星巴克。因為日本唔少星巴克門市,除咗唔嘅地區門店嘅飲品有少部分唔同之外,入面裝修設計非常有心思,處處都係打卡位。今次就為大家精選日本10間人氣最高嘅特色門市,出行日本嘅你,記得唔好錯過!

特色門市01:東京讀賣樂園「HANA・BIYORI」溫室花園門市

坐落喺東京內最大遊樂園-「讀賣樂園」隔離嘅「HANA・BIYORI」星巴克,近年成為唔少遊行必到嘅打卡點,皆因店內用大走植物園主題風格,最啱文青影大片。由於採用玻璃天窗設計,自然採光十足,令門市充滿著陽光氛圍。

就佢哋個招牌都係採用園藝方式,店面因應四季變化仲會更換唔同花草植物,包含秋海棠、矮牽牛、天竺葵同風鈴草等等,一邊嘆咖啡,一邊自拍,認真一流!




HANA・BIYORI 溫室植物園
地址:東京都稲城市矢野口4015-1

特色門市02:埼玉縣川越時鐘小路門市

呢間值得特意拜訪嘅特別推介,「星巴克川越時鐘小路店」喺素有「小江戶」之稱嘅川越(埼玉縣),呢度都係近年唔少遊客鍾意嚟嘅地方之一。店面外觀融入咗川越傳統酒藏老街嘅氛圍,仲用埼玉縣當地採伐嘅杉木,配合江戸傳統技法嘅黑漆喰同白漆喰嚟做內部裝潢,同配埋精細嘅「川越唐桟織物」嘅坐墊,每一個細節都彰顯出川越嘅特色。

而當鄰近嘅藥師神社「時之鐘塔」嘅鐘聲響起,空氣度嘅聲波由遠而近漸漸傳遞,入到每一個人嘅耳仔度療癒佐心靈,飲一啖濃醇香郁嘅咖啡,突然領悟到其實愛上生活係咁容易!

星巴克川越時鐘小路店
地址:埼玉県川越市幸町15-18

特色門市03:京都宇治平等院表參道門市

京都近郊嘅宇治市嘅世界遺產平等院同抹茶就最出名,係一個廣受旅客歡迎嘅放鬆景點。而呢間「星巴克宇治平等院表參道門市」,位於車站去平等院嘅路上,採用沉穩木質外觀,寧靜嘅城鎮環境,令人身心放鬆。

加上四季變化嘅庭園風景,令旅客可以感受到日式氛圍嘅魅力。店內仲有展示以咖啡豆袋同京都漆藝結合嘅藝術品,點餐嘅同時,都唔好唔記得睇下黑板上面店員推薦嘅必去景點。

星巴克咖啡京都宇治平等院表參道店
地址:京都府宇治市宇治蓮華21-18

特色門市04:京都二寧坂彌榮茶屋門市

全球第一間喺榻榻米上飲咖啡嘅星巴克門市,就係呢間「京都二寧坂ヤサカ茶屋店」,呢間星巴克嘅前身原本係一座年代有百年嘅日式町家,以前係藝妓、舞妓同客人飲酒娛樂嘅地方,而家換上藍色人魚Logo,將西方嘅咖啡文化同古色古香嘅和風建築完美結合埋一齊。

由於建築本身有年代嘅痕跡,加上二年坂本身係保存傳統建築物嘅區域,所以呢間店唔單止限制入場人數,門口都唔接受排隊嘅人龍。根據而家網上嘅討論熱度嚟睇,要成功入去內用可唔係一件簡單嘅事,不過換嚟嘅係一個寧靜嘅氛圍,確實係一個值得你耐心等待!

京都二寧坂ヤサカ茶屋店
地址:京都市東山区高台寺南門通下河原東入桝屋町349番地

特色門市05:神戶美利堅公園門市

2017年神戶開港150周年紀念,於是當年星巴克就喺美利堅公園,打造咗關西面積最大嘅,亦係關西地區嘅第一間星巴克公園店。設計以「神戶港咖啡巡行」為概念,外觀設計成船嘅形狀,內部設有唔少梳化、座椅同戶外座位,仲用唔少落地大玻璃窗,令空間感更強。喺二樓嘅「船頭」位置,面向窗戶嘅吧台區,可以毫無遮掩咁欣賞神戶港嘅風景。

附近仲有知名景點神戶塔,呢度仲有一條種滿櫻花樹嘅公園大道,春天仲係一個人氣賞櫻熱點!喺度你可以吹吹海風,賞櫻之餘,記得好好享受一杯「海景咖啡」!

星巴克神戶美利堅公園店
地址:神戸市中央区波止場町2-4

特色門市06:神戶北野異人館門市

走入呢間星巴克神戶北野異人館門市,就好似穿越返去日本百幾年前嘅繁榮神戶港。呢間舖原本係北野物語博物館,喺1907年開始營運,不過1995年阪神大地震後受到損毀,神戶市喺原址重建咗呢座建築,並註冊為日本有形文化財產。

內部裝潢以歐式風情為主,深啡色嘅木質擺設同埋梳化、吊燈、牆上嘅油畫同厚重嘅酒紅色窗簾等,典雅得嚟令人感到溫暖,配上木製嘅星巴克招牌,非常值得打卡,同時滿足到熱愛咖啡嘅遊客。

神戶北野異人館店
地址:神戶市中央區北野町3-1-31 北野物語館

特色門市07:青森弘前公園前門市

青森弘前城係日本東北賞櫻同賞楓嘅熱門景點,但係因為範圍好大,推薦行累咗嘅時候可以嚟「星巴克弘前公園前店」飲杯咖啡休息下同埋影相。門店係喺弘前公園內嘅一座大正時期老房改建嘅店舖。呢間店舖原本係1917年嘅「舊第八師團長官舍」,作為古蹟嘅佢亦係星巴克喺日本第二間有形文化財產門市。

建築外觀以西式洋房為基礎,再加入日式建築元素,屋頂有鮮明嘅菱角形狀同埋長方形窗格,整體以穩重嘅灰色調為主。曾經被網友票選為日本最靚嘅星巴克!

青森弘前公園前門市
地址:青森縣弘前市上白銀町1-1

特色門市08:福岡太宰府天滿宮門市

由日本神級建築大師隈研吾所設計的太宰府天滿宮星巴克門市,喺喺通往太宰府天滿宮嘅主要街道上。而太宰府天滿宮喺919年建立嘅一個重要神社,祭祀嘅係學問之神菅原道真,每年有多達2萬人次嘅參拜者嚟到呢度祈求考試順利同學業有成。

由於通往神社嘅主要街道兩邊都係日本傳統嘅單層或者雙層建築,所以隈研吾喺設計呢間門市嘅時候,主要概念係要喺呢個全球品牌門市同環境和諧共存,所以佢設計咗一套獨特嘅系統,使用斜對角嘅木條編織成細長嘅形狀,從中構築整個門市。透過扭轉木條嚟延伸,唔需要任何釘子或者金屬配件,令呢間星巴克成為藝術博物館一樣。

福岡太宰府天滿宮門市
地址:福岡県太宰府市宰府3-2-43

特色門市09:島根出雲大社門市

位於通往出雲大社參道入口嘅「勢溜大鳥居」前面嘅島根出雲大社星巴克,1樓入口設有仿照縁側風格嘅長櫈座位,方便客人輕鬆享受飲品;而2樓則佈置咗唔少座位,讓客人可以充分欣賞出雲大社壯麗嘅景色。 呢間星巴克店舖以「縁結び」為主題,結合出雲大社(日和)同星巴克(西洋)嘅元素,設計出獨特嘅風格。

門市限定嘅「出雲咖啡杯」,係一個值得整組帶返屋企嘅精美手信,咖啡杯係由島根嘅匠人親手打造,採用瑪瑙材質,手工覆色而成。佢嘅外觀簡約而不失質感,送禮自用都可以㗎!

島根出雲大社門市
地址:島根県出雲市大社町杵築南841

特色門市10:北海道函館BAY SIDE店

喺函館金森紅磚倉庫群嘅一邊,藏住間嘅「星巴克函館BAY SIDE店」,外觀油成復古磚紅色,質感十足。天朗氣清嘅時候,陽光透過高達2樓嘅落地窗灑落入嚟,營造出溫暖自在嘅氛圍。店外都有緊鄰港口嘅露天座位,你可以一邊欣賞猶如歐洲海港嘅美景,一邊飲杯咖啡,真係好舒適啊!

北海道函館BAY SIDE店
地址:北海道函館市末広町24-6 函館西波止場

*以上資訊只供參考,如有任何變化或更改均以現場情況或商戶決定為準*

Klook.com
X