fbpx

【日本好去處】大阪市區溫泉樂園「空庭溫泉」,露天溫泉、岩盤浴、獨立湯屋、按摩、美容樣樣有!

2 月 23, 2024 | 日本, 玩樂

鍾意浸溫泉嘅朋友,去日本大阪就啱喇!

位於大阪市中心有一個溫泉主題樂園,

一站式提供露天溫泉、足湯、岩盤浴、獨立湯屋,仲有按摩、美容等服務!

整座場館有四層,而主要設施設於二樓、四樓同五樓~


sponsor
sponsor

一開始大家可以先揀選自己喜歡嘅浴衣花色同腰帶款式,

另外仲提供咗浴巾、外套、提袋等,相當細心!

四樓有一個天空庭園,面積接近1,000坪!

享受露天溫泉嘅樂趣之餘,仲可以欣賞到四季庭園嘅變化㗎~

值得一提係,呢度仲有千本鳥居嘅造景,

著住浴服影相,好有感覺㗎!

天空足湯亦同樣設喺四樓,

如果未試過魚療咬腳皮,可以付費體驗一下!

怕曬嘅朋友,可以考慮留返喺室內浸溫泉~

呢度提供多個特色溫泉,

例如:天然嘅「美肌之湯」、呈白濁色嘅絹湯溫泉、碳酸溫泉、賞庭溫泉,以及按四季變化而設嘅主題溫泉等!

如果想靜靜地浸溫泉,亦可以選擇獨立嘅溫泉空間,

享受悠閒嘅時光!

而針對女性,呢度仲特設乾式三溫暖、蒸汽三溫暖、搓澡美容等~

除此之外,呢度仲有七種岩盤浴,為大家帶嚟養生、美容嘅功效!

唔同主題包括神宮房、南蠻房、座敷房、坪庭房、塩田房、清滝房同川床房,

等大家可以逐間去體驗!

假如大家覺得肚餓,亦唔洗擔心會餓親~

因為呢度設有餐飲設施,

唔單止有日本海鮮丼飯、握壽司、刺身、地道小食,連異國美食都食得到!

食飽之後仲可以體驗其他休閒設施!

設有約200張躺椅嘅3/F休息區

設有40張沙發椅嘅2/F休息區

設有超過15,000漫畫書同其他刊物嘅空庭書房

仿照日本祭典市集嘅露天遊戲區
等你可以一次過玩到拋圈、撈金魚、打靶、夾公仔等經典遊戲~

空庭溫泉
地址:大阪府大阪市港區弁天1丁目2-3
交通:由JR弁天町站北口嘅剪票口出站後往右邊嘅樓梯出/由地下鐵弁天町站西剪票口出站後,前往2A出口

Klook:

Kkday:

來源:官網、Instagram (@solaniwaonsen)

*以上資訊只供參考,如有任何變化或更改均以現場情況或商戶決定為準*

Klook.com
X