fbpx

【日本好去處】京都任天堂直營店開幕!巨大瑪利歐水管打卡位、遊戲過關場景!

10 月 27, 2023 | 日本, 玩樂

日本國民遊戲廠商任天堂第三間直營店喺「Nintendo KYOTO」京都店開幕喇!

任天堂喺日本原有兩間直營店,分別位於東京澀谷區「澀谷PARCO」百貨、同埋大阪「大丸梅田百貨」。

而第三間就坐落「京都高島屋S.C.」,店舖設置咗多個任天堂經典角色打卡位,就好似瑪利歐同薩爾達傳說。

任天堂京都店仲有特別象徵意義,任天堂公司嘅起家發跡地就係京都,




同時而時任天堂本社同開發部都係位於京都,今次京都店開幕可以話係「返屋企」~

任天堂京都直營店最大嘅亮點就係門口嘅巨大瑪利歐水管打卡位!

頂樓戶外空間就有任天堂經典遊戲打卡位,同埋還原瑪利歐遊戲過關前一定會有嘅旗仔~

問號磚同POWER磚就一定唔少得啦!

想去「Nintendo KYOTO」嘅朋友可以搭乘阪急京都線,去到到「京都河原町」站沿地下通道前往「京都高島屋S.C.」。

地下通道亦特別設計咗「Super Mario World」打卡牆,可以搵到多個經典遊戲場景~

「Nintendo KYOTO」店面就用品牌經典紅白色,發售多款任天堂主機、遊戲同週邊等,

除咗Mario,《薩爾達傳說》、《動物森友會》、《皮克敏》、《Splatoon》等各經典老任 IP 週邊都有~

各位機迷如果會去京都就記得去朝聖打下卡喇~!

 

任天堂京都店「Nintendo KYOTO」

地址:京都市下京区四条通寺町東入2丁目御旅町35 京都髙島屋S.C.「T8」館7樓

交通方法:阪急京都線「京都河原町」站

*以上資訊只供參考,如有任何變化或更改均以現場情況或商戶決定為準*

Klook.com
X