fbpx

【日本住宿】福岡10間酒店推介2024!1分鐘步行到鐵路、日式榻榻米打卡風、大浴場放鬆

5 月 23, 2024 | 日本, 玩樂

除咗東京、大阪之外,福岡獨特嘅文化、豐富美食同仲唔少人氣景點,當然亦成為唔少港人出遊之選。如果最近計劃去福岡玩嘅朋友仔,今次就為大家介紹一系列特色酒店, 有啲唔單止交通方便,而且仲非常適合打卡!

=====

西鐵酒店 Croom博多祇園櫛田神社前(Nishitetsu Hotel Croom Hakata Gion Kushida Shrine)

賣點:交通方便、設大浴場




酒店位於天神、博多、博多運河城同埋中洲附近,距離市營地鐵「櫛田神社前站」步行只需1分鐘,交通方便。設備有齊洗衣烘乾機、微波爐同埋迷你廚房,提供雙人房、雙床房、三人房和四人房,不論係情侶定係一家大小出行都適合不過。酒店更設有大浴場,讓大家可以放鬆身心。

地點 : Hakataku Gionmachi 6-30, 812-0038, 博多區, 福岡市, 福岡縣, 日本

=====

三井花園酒店福岡祇園 (Mitsui Garden Hotel Fukuoka Gion)

賣點:露天溫泉、高質酒店設施

酒店距離JR博多站只係700米,集不少人氣觀光景點,包括:萬行寺、樂水園同埋櫛田神社等。最大賣點就是設有一系列休閒設施,如SPA及溫泉,溫泉除咗室內之外,冬天仲可以喺露天溫泉邊浸邊欣賞雪景!

地點 : 2 Chome-8-15 Hakata Ekimae, Hakata Ward, 812-0011, 博多區, 福岡市, 福岡縣, 日本

=====

大清晨酒店 (HOTEL GREAT MORNING)

賣點:房間空間大

去日本血拼當然需要足夠酒店房空間放自己戰利品,HOTEL GREAT MORNING出名房間空間較寬敞,而距離川端通購物街步行僅4分鐘;櫛田神社步行8分鐘,非常方便。酒店亦提供早餐服務,令大家每朝補充體力再享受旅程。如果想喺酒店附近參觀唔同景點,酒店有單車出租服務,令你有更方便嘅遊玩感。

地點 : 6-3 Tenyamachi, 812-0025, 博多區, 福岡市, 福岡縣, 日本

=====

博多都酒店 Miyako Hotel Hakata

賣點:交通方便、集不同餐飲

酒店位置優越,一出嚟對面就已經係博多站,周邊仲集合唔少美食之選,包括:Saga Fudokan Hakatakira(さが風土館 博多季楽)(日本料理)、La Maison de la Nature Goh(ラ メゾン ドゥ ラ ナチュール ゴウ)(西餐),仲有Sushi Gyoten(鮨 行天)(日本料理)等。頂樓設有温泉,泡温泉同時可以欣賞到博多美景。

地點 : Hakataeki-higashi 2-1-1, 812-0013, 博多區, 福岡市, 福岡縣, 日本

=====

The Blossom 博多 Premier (THE BLOSSOM HAKATA Premier)

賣點:酒店設施齊全

步行至博多站只需7分鐘路程,酒店附近已經有齊藥妝、便利店,方便愛shopping巳嘅你。博多歷史悠久寺院、神社、佛閣等,同樣已經集中喺周邊,跑景點就更快捷。酒店設施齊全,有齊24小時健身室、大浴池,樓下亦有星巴克,作為fans要買到新精品自然最快手。

地點 : Hakata Ekimae 2-8-12, 812-0011, 博多區, 福岡市, 福岡縣, 日本

=====

福岡風格酒店(With The Style Fukuoka Hotel)

賣點:按摩浴池

大走福岡風格,無論係酒店內、外周圍都係打卡位。距離JR博多站只係600米,人蔘公園、Life station cafe alpha plus同埋Tanojizouson喺酒店附近。餐廳推介有水炊 鳥田日本料理(とり田(薬院店))、Ttoahisuトアヒス(西餐)、Imoto(日本料理)等美食。最重要嘅係酒店設有公眾按摩浴池,俾大家消除疲勞。

地點 : Hakataeki Minami 1-9-18, 812-0016, 博多區, 福岡市, 福岡縣, 日本

=====

福岡燈光圖書酒店 (LAMP LIGHT BOOKS HOTEL fukuoka)

賣點:特色打卡場景

酒店設計用圖書館為主題,可以話係是網紅人氣之選。步行8分鐘左右到天神站,附近亦有唔少停車場,如果自駕遊出行就啱。房型分別有:雙人房、雙床房、雙人間(另加床)。酒店工作人員出名服務親切,係唔少旅客都大力推薦必入住清單之一。

地點 : Daimyo 1-15-22, 810-0041, 中央區, 福岡市, 福岡縣, 日本

=====

博多AT酒店 (A.T. Hotel Hakata)

賣點:空間大、現代日式榻榻米

主打公寓式旅行體驗,分別提供家庭套房、和洋式套房,仲有團體套房,如果一班朋友們或家庭旅遊出行,除分開房費非常抵住。房間空間大,廚房設備齊全,有洗衣機,浴室仲有空間俾你晾衫,部分客房有獨立客廳、陽台或露台,絕對是驚喜之選!

地點 : Hakataekiminami 5-26-18 Hakata StationⅡ, 812-0016, 博多區, 福岡市, 福岡縣, 日本

=====

和博多酒店 HOTEL WA HAKATA

賣點:自助check-in、簡約和風

同樣是公寓式旅行體驗嘅HOTEL WA HAKATA,房間設計以簡約和風做主題,自助check-in省卻大排長龍時間。提供洗衣機、微波爐、烹飪設備同埋餐具等,絕對適合喜歡自己入廚嘅朋友。附近有24小時超市、7-11,轉角就食到知名嘅牛腸鍋與水炊鍋,餐廳選擇非常多。

地點 : Hakata-ku Tenyamachi 7-3, 812-0025, 博多區, 福岡市, 福岡縣, 日本

=====

福岡天神昆泰莎漫畫書酒店 (Quintessa Hotel Fukuoka Tenjin Comic and Books)

賣點:漫畫任睇

日本漫畫可話係聞名國際,呢間酒店最大的特點,就係有唔少漫畫俾大家借嚟睇,雖然大部分都係日文,不過亦有英文翻譯版本,非常貼心。房間空間十足, 附近亦有好多便利店同埋餐廳, 絕對唔怕搵唔到食!而且3分鐘 路程就已經到達天神站, 出發去其他地方一樣咁方便。

地點 : Tenjin 3-2-10, 810-0001, 中央區, 福岡市, 福岡縣, 日本

=====

*以上資訊只供參考,如有任何變化或更改均以現場情況或商戶決定為準*

Klook.com
X