fbpx

【新年好去處2024】LCX x Plastic Thing新春打卡裝置!多個趣怪打卡位+搶購獨家限定新品

1 月 12, 2024 | 尖沙咀 / 佐敦 / 油麻地, 香港, 玩樂, 親子

今個農曆新年,由2024年1月19日至2月18日,為食妹將會穿上得意可愛的龍龍裝束,化身為食龍,帶領大家於LCX暢玩「為食龍新春遊樂場」!為食妹會現身多個打卡熱點,與Puffy、女神、光頭仔一起和大家慶祝新春及情人節!大家除了開心打卡外,更可以於1月12日起陸續於指定日期換領應節可愛的揮春、小風車、利是封、自家印新春賀卡、龍年大吉肥龍紙帽、棉花糖及爆谷等等,讓大家一同感受新年喜慶歡樂的氣氛!

「為食龍新春遊樂場」有3個超正打卡地點!包括「肥來運轉大轉盤」、「肥龍背發福小徑」同埋「財運滿滿錢錢樹」。

「肥來運轉大轉盤」
為食妹嘅肚仔變成咗「肥來運轉大轉盤」,轉盤上寫咗「食極唔肥」、「和氣身材」、「健康臀圓」等祝賀語!不過「食極唔肥」嗰格好似比女神嘅尖下巴仲窄㗎,睇嚟要好彩先可以達到啦!「肥來運轉大轉盤」兩邊仲有巨型扭蛋機同埋Puffy坐喺度等大家打卡,全盒上面嘅揮春仲用「FAT」三個英文字組成「食」字,令大家新春食得開心,恭喜FAT財!




「肥龍背發福小徑」
近年好多人鍾意去龍脊行山,而為食妹嘅「龍脊」絕對係「User Friendly」,更加適合一家大小!為食妹變成可愛嘅為食肥龍,後面有一條「發福小徑」,大家可以輕鬆踏上去,象徵一路發(財有)福!

「財運滿滿錢錢樹」
新一年,當然每個人都希望財運滿滿!跟住為食妹喺金幣池度沐浴,喺搖錢樹下開心打卡,再圍繞住掛滿金幣嘅搖錢樹行一圈,吸吸旺氣,龍年一定財運亨通,「亨亨鬆鬆」賺大錢!

去「迎龍接FOOD天地」有免費棉花糖或爆谷食!園區工作人員會喺指定日子於「食得是GOOD小食檔」派發棉花糖或爆谷,棉花糖上會以糖霜灑上為食妹嘅圖案,而香甜嘅爆谷則會用印有為食妹圖案嘅紙杯盛載,甜蜜與可愛兼備!

商場更推出多款為食妹造型嘅賀年禮品,包括「龍年大吉」利是封、「迎龍接福」小風車及揮春,大家只要消費滿指定金額即可換領!

粉絲們更可於場內購買Plastic Thing推出的龍年賀歲新品!包括為食妹電話繩、肥龍為食妹Tote Bag、Plastic Thing A4文件夾、為食妹鎖匙扣、為食妹地毯及為食妹28cm搪膠公仔。

LCX x Plastic Thing「為食龍新春遊樂場」展覽活動
展覽日期:2024年1月19日至2月18日
展覽地點:尖沙咀海港城海運大廈三階 LCX
入場費用:免費
開放時間:上午 10 時至晚上 10 時
查詢電話:3102 3668

LCX x Plastic Thing「為食龍新春遊樂場」期間限定店
開售日期:2024年1月19日起至售完即止
地點:尖沙咀海港城海運大廈三階 LCX Xplus
營業時間:上午 10 時至晚上 10 時

LCX x Plastic Thing「消費換領為食妹限定賀年禮品」*活動
日期:2024年1月中起至換完即止*
換領地點:尖沙咀海港城海運大廈三階 LCX 顧客服務部
換領時間:上午 10 時至晚上 10 時

「迎龍接FOOD天地」爆谷派發時段
派發日期:2024年1月19日至21日 及 1月27日至28日(共5天)
派發時間:下午3時至6時

「迎龍接FOOD天地」新春棉花糖派發時段
派發日期:2024年2月3日至4日(共2天)
派發時間:下午3時至6時

「迎龍接FOOD天地」情人節棉花糖派發時段
派發日期:2024年2月13日至14日(共2天)
派發時間:下午4時半至7時半

*以上資訊只供參考,如有任何變化或更改均以現場情況或商戶決定為準*

Klook.com
X