近年愈嚟愈多人鍾意去土耳其旅遊！

除咗要搭熱氣球之外，棉花堡（Pamukkale）亦係必去㗎！

Pamukkale 係屬於土耳其語～

其中 Pamuk（指棉花）＋　kale（城堡），就係指「棉花城堡」喇！

位於土耳其西南部嘅丹尼茲利(Denizli)省嘅棉堡高160米、長2,700米～

因為含碳酸鈣嘅溫泉水喺流動過程中冷卻沉積，形成堅硬嘅石灰岩地形～

所以佢並唔係一個真城堡，只係好似一個白雪雪嘅堡壘！

遠望呢個礦石梯田，真係好壯觀啊！

除咗欣賞壯麗嘅絕景，棉花堡仲有17個天然溫泉畀大家享受浸泡～

相傳二千幾年前古羅馬同希臘人都係圍著呢啲泉水群居治病，

正正因為保留著珍貴嘅文明遺跡，所以亦被列為聯合國世界文化遺產之一！

呢個自然奇觀真係咁難得一見㗎～

下次嚟土耳其旅遊記得唔好錯過喇！

 

土耳其棉花堡
地址：Pamukkale, Denizli
交通：由Denizli機場，乘搭會經過Denizli市區嘅小巴進入棉堡園區～

*以上資訊只供參考，如有任何變化或更改均以現場情況或商戶決定為準*