fbpx

【鰂魚涌美食】鰂魚涌陳儀興尚潮樓 必試鎮店陳年滷水三寶/禾香鴿

9 月 28, 2023 | 香港, 鰂魚涌 / 西灣河 / 筲箕灣, 美食

鐘意潮州打冷嘅你切勿錯過「陳儀興」呢個品牌,扎根香港六十年,絕對稱得上潮州菜老字號!今次鰂魚涌嘅新店大家一定要嚟試下喇!

新店結合傳統及創新推出多款特色手工菜,包括生醃膏蟹、禾香鴿、清燉荷包鱔、梅汁鱔球、紅燒翅,即刻睇詳情!

生醃膏蟹 時價(一斤半約$688),味道適中配上青椒、紅椒及蒜頭非常惹味。




滷水鵝三寶(鵝背肉、鵝肝、鵝腸)$298,餐廳所有鵝類菜式均使用汕頭獅頭鵝,肉質柔軟且鵝味濃,肥瘦適中,加上獨門秘製嘅陳年滷水慢煮,超入味。

禾香鴿 $198/每隻,全港獨創菜式,係由失傳的手工菜禾香鴨變奏而成,處理及烹調過程十分繁複:先將鴿子拆骨,釀入已炒熟的糯米飯後先蒸後炸,讓其充分吸收鴿肉的鮮美及精華,由起骨至炸熟一氣呵成,外皮酥脆內餡嫩糯,令人一試難忘!

清燉荷包鱔$118/每位,將新鮮鱔去骨釀入金華火腿、唐芹等食材,包上鹹酸菜葉與熬製十二小時的高湯同燉,是潮汕人宴客離不開的一道手功菜,非常考驗廚師功夫。

梅汁鱔球$298,將新鮮台灣海鱔起骨後走油,主廚將白鱔切成菠蘿花紋令魚肉受熱均勻,亦使菜式變得美觀,淋上秘制梅糕醬十分開胃,搭配自家種植珍珠葉有助清熱,爽脆口感別有一番風味。 

潮州紅燒翅 $438/每位,潮州紅燒翅湯底非常濃郁,配上芫荽同鎮江醋 , 另有一番風味。

入到餐廳唔知食邊款?不如試下大廚時令推介!滷水鴨舌 $168、清湯崩沙腩 $238、香煎冇魚烙(九肚魚) $188均值得一試。

陳儀興尚潮樓:
鰂魚涌分店
地址:鰂魚涌英皇道 1001 號 7 樓 1 號舖
營業時間:11:00 – 22:30(星期一至日)
查詢電話:2688 0188 / 6188 3229

太子分店
地址:旺角太子道西太子道西 177-179 號地下及一樓
營業時間:11:00 – 23:00(星期一至日)
查詢電話:26831678

*以上資訊只供參考,如有任何變化或更改均以現場情況或商戶決定為準*

Klook.com
X