【香港迪士尼樂園】小鎮大街火車站花圃轉成Duffy頭像，「米奇花圃」消失咗！

3 月 22, 2023 | 香港, 熱話

香港迪士尼為配合將於2023年4月1日正式開始嘅「Duffy與好友同萌遊」主題活動，喺3月21日將小鎮大街火車站前嘅花圃以花卉砌成 Duffy 頭像。隨即引發爭議，網民認為「米奇花圃」無可取代，亦違背華特迪士尼先生嘅意願！唔知大家又點睇呢？

華特迪士尼先生（Walt Disney）喺50年代設計迪士尼樂園時，以「舞台前」（On Stage）嚟表達賓客可踏足嘅樂園範圍，喺「舞台」上向賓客呈現「完美演出」，而小鎮大街火車站就好似「舞台嘅布幕」，為企喺「布幕」前嘅賓客帶嚟期待感。

「米奇花圃」（Floral Mickey）所代表嘅意義亦突顯米奇喺迪士尼王國嘅重要地位。正如華特迪士尼先生講過：「I only hope that we never lose sight of one thing – that it was all started by a mouse.」正因如此，「Floral Mickey」嘅傳統亦延伸至各地迪士尼樂園嘅正門花圃。按照華特嘅意願，小鎮大街火車站前嘅花圃以米奇老鼠作為主角。