fbpx

【香港熱話】日本居酒屋「鳥貴族」宣佈進軍香港及台灣 簽約儀式將於3月舉行

2 月 26, 2024 | 香港, 熱話

粉絲們準備好了未呀?日本人氣連鎖居酒屋「鳥貴族」宣佈即將同香港四洲集團合作,正式進軍香港。將來鍾意「鳥貴族」嘅朋友,唔使去日本,都可以品嚐到招牌嘅美味串燒。

「鳥貴族」係日本有名嘅連鎖平價居酒屋,最大嘅特色就係以一個價錢提供多款串燒(含稅360日圓),同埋使用高品質嘅日本國產雞肉作為食材,仲有鐵板料理、炸物等選擇,係好多遊客去日本必食嘅餐廳。




「鳥貴族」行政總裁大倉忠司喺社交網站上發佈同四洲集團同台灣都城實業合作嘅消息。同台灣以合資方式經營唔同,「鳥貴族」香港分店將以特許經營方式,由四洲集團經營,使用「鳥貴族」嘅商標同技術,「鳥貴族」亦會提供營運支援。

根據網上公佈嘅消息,簽約儀式將於3月舉行。台灣方面就預計最快於7月開始營業,而香港嘅朋友就可能要再等一下喇。

*以上資訊只供參考,如有任何變化或更改均以現場情況或商戶決定為準*

Klook.com
X