近年因成為法國官方授權繪畫《小王子》嘅首位華人插畫師而聲名大噪，香港畫家Steven Choi（蔡景康）今次攜手英國家喻戶曉嘅兒童書籍Mr. Men Little Miss推出系列繪本喺今年書展中大受歡迎 。旗下藝術平台Whateversmiles Gallery繼「星の流浪曲Le Havre」小王子藝術展覽後，再精心策劃咗全新個人作品展覽【Mr. Men Little Miss x LITTLE WHITE．謝謝你找到了我 Time for a LITTLE hug】！

9月29日至10月23日喺海港城．美術館會展出一系列逾20幅有趣又療癒嘅畫作。透過Steven筆下原創角色小白（LITTLE WHITE）同Mr. Men Little Miss一眾經典角色溫暖相遇、相知相擁，希望觀眾身同感受，接納自己嘅不完美，學習喺不同際遇中自我治癒，保持正向的心，擁抱美好生命。

Steven榮獲插畫界兩大最高殊榮「英國WIA國際插畫專業大獎」同「日本JIA插畫大賞最高賞」，重新繪畫《小王子》後，聯乘Mr. Men Little Miss創作《謝謝你找到了我》系列繪本，由Steven原創嘅角色小白亦會喺繪本中隆重登場。小白出生於魔法森林，其他同類天生都係雙生兒，而佢卻係森林中唯一缺少咗另一半嘅孤獨靈魂。儘管如此，純真樂觀嘅小白堅信世上仲有佢嘅親人，決心隨風騎浪，踏上尋找自己心靈伴侶嘅旅程。

是次展覽除了有「謝謝你找到了我」系列繪本作品，仲有唔少以「擁抱」為創作核心嘅畫作首次面世。Steven有感世界各地嘅人近年情緒波瀾不斷，希望透過筆下角色小白去陪伴大家走過人生高低起跌。

除咗嚟展覽欣賞畫作同選購「謝謝你找到了我」系列繪本外，現場仲設有一系列Mr. Men Little Miss x LITTLE WHITE限量聯乘珍藏品，當中包括：真跡畫作、首本Mr. Men Little Miss授權Steven Choi畫集、藝術版畫、盲盒玩具，以及Tee同胸針等。可讓 Mr. Men Little Miss 一眾角色同小白嘅溫暖擁抱繼續喺家中治癒您。展覽現場仲設置咗50厘米高嘅小白立體雕塑，並佈置了巨型壁畫供大家打卡

展覽期間，商場3樓嘅Cupping Room亦會加入小白嘅療癒世界，提供限定版Mr. Men Little Miss x LITTLE WHITE特色飲品同曲奇，為大家生活帶來一點甜。

【謝謝你找到了我 Time for a LITTLE hug】Steven Choi個人作品展
展覽日期：2022年9月29日至10月23日
開放時間：上午11時至晚上10時
地點：海港城．美術館（尖沙咀海港城海洋中心二階207號舖）

*以上資訊只供參考，如有任何變化或更改均以現場情況或商戶決定為準*