位於鑽石山荷里活廣場嘅MCL Cinemas Plus+ 荷里活戲院，正式開業！成為東九龍區最大戲院！

《MCL Cinemas Plus+ 荷里活戲院》係「麗新集團MCL院線」同「英皇影院集團」共同投資同建立嘅全新戲院品牌《Plus+》嘅頭炮項目，亦係「MCL院線」2022年度負責營運同管理嘅第15間戲院。

MCL Cinemas Plus+ 荷里活戲院總面積約 38,000 平方呎，有兩層，共有6個影院，提供約 1,600 個座位。採用最先進嘅NEC 4K 超高清鐳射放映系統，其中四間影院的畫面比舊影院增大接近一倍。

音響設備方面，全院採用優化版杜比7.1 環迴立體聲音響系統，仲增加咗影院嘅喇叭數量，使音效密度更立體，聲音層次更豐富。

戲院設計上，採用暖和粉色為主。空間佈局上，利用拱門同大量圓形以及流線形元素劃分唔同區域。大堂設有售票處同小賣部外，仲有多部自助購票機。同時，亦備有座位寬敞嘅休閒區。

由7月7日至8月3日期間，MCL會員凡於MCL Cinemas Plus+ 荷里活戲院買飛睇戲，即可賺取雙倍MCL Tokens。申請MCL MAX免費會籍，更可享有成人正價戲票9折優惠及換領更多會員專屬禮品！

MCL Cinemas Plus+ 荷里活戲院
地址：九龍鑽石山龍蟠街3號荷里活廣場3樓402號舖

*以上資訊只供參考，如有任何變化或更改均以現場情況或商戶決定為準*