fbpx

【香港】Esther Bunny首次來港登陸尖沙咀!期間限定打卡位+紅粉緋緋迎兔年!

12 月 30, 2022 | 尖沙咀 / 佐敦 / 油麻地, 香港, 玩樂

韓國人氣高企嘅Esther Bunny,2023年1月6日至2月19日將會現身LCX紅粉緋緋迎兔年!Esther Bunny會以最愛嘅粉紅色為家居各處加添應節嘅賀年裝飾,仲有巨大甜心糖果盒,祝願大家來年甜甜蜜蜜、幸福美滿!

去完Esther Bunny屋企團拜後,仲可以逛逛定期轉換嘅新春小攤檔,有潮牌服裝品牌、糖果店、香薰品牌同茶品等,挑選送禮自用嘅賀年禮物!

Esther Bunny為慶祝農曆新年,換上韓國傳統服飾迎接登門拜年嘅賓客,仲有顏色鮮豔又可愛的大型糖果全盒,祝各位過一個甜蜜美滿嘅豐年!




Esther Bunny同一眾兔兔喺廚房仲忙個不停。大家可以先喺飯廳飲啖茶,食個柑。仲有唔少香港賀年特色佈置,炮杖裝飾同揮春,「常滿」米缸!仲有年糕,寓意來年糧食豐足、收入盆滿缽滿、步步高升!

貪靚嘅Esther Bunny仲有忙住「辦年貨」,為衣帽間增添服飾同手袋。佢嘅百變衣櫥向大家展示戰利品。大家仲可以喺佢嘅梳妝枱前「扮靚靚」!

附近仲有「鴻兔大展新春小檔」,活動期間每週都會開設不同的攤檔,大家可以於小檔或附近商鋪選購賀年食品及精品。你還可以與正在玩旋轉木馬的Bunny合照,或者坐在長椅上打卡,拍下充滿賀年氣氛的照片!

來港與大家賀新春的Esther Bunny當然要為大家準備好賀年精品!只要在LCX消費滿指定金額,即可換領以下期間限定禮品一份,數量有限,換完即止。

LCX x Esther Bunny 「紅粉緋緋迎兔年」展覽及活動
日期:2023年1月6日至2023年2月19日(2月1日起將變成情人節主題)
時間:上午 10 時至晚上 10 時
地點:尖沙咀海港城海運大廈三階 LCX正門及Xplus對出

*以上資訊只供參考,如有任何變化或更改均以現場情況或商戶決定為準*

Klook.com
X