【香港】BABY SHARK派對進駐海洋公園！巨型兔仔＋真雪滑梯＋市集！

1 月 20, 2023 | 香港, 薄扶林 / 香港仔 / 赤柱 / 石澳, 玩樂, 親子

海洋公園就將會喺2023年1月19日至2月5日期間舉辦一系列新春活動，有以超萌達摩造型兔仔作主角嘅多個節慶打卡位，刺激嘅真雪滑梯、逛市集仲可以參加Baby Shark環保派對！

今年新春1月19日至2月5日期間，海洋公園將化身成為「福滿萌兔村」，有超萌達摩造型兔仔駐守現場。樂園海濱樂園廣場位置亦會變身成「兔躍開運牌坊陣」，會辦「兔迎新歲市集」，由年廿八至正月十五有超過25個人氣品牌輪流進駐會場。穿上賀年服飾嘅巨型兔仔仲會喺特大麻將裝飾下同你一齊打卡。

營造冬日氣氛，園内仲設有真雪滑梯，大家可以感受刺激快感。樂園仲特意為小朋友們準備「蹦蹦彈跳屋」，小朋友可以盡情放電。樂園仲請來Baby Shark嚟到「威威劇場」舉行「Baby Shark 環保派對」，接觸互動之餘仲學習到如何做好廢物回收！

現時海洋公園亦提供多項套票優惠。只需一張「無限FUN入場證」便可於購買日起至2023年3月31日，無限次入園暢玩，售價分別為成人港幣498元、學生港幣420元及小童港幣348元。單日使用之全日優惠套票售價則分別為成人港幣360元及小童港幣216元。有效香港滙豐信用卡持有人更可專享港幣317元成人門票及港幣190元小童門票之優惠，並獲贈價值港幣30元之園內購物電子現金禮券一張！