由7月20日起至8月17日，中環街市與BANDAI攜手舉辦《GASHAPON PLUS 扭蛋夏令營》，有超過 200 部最新型號扭蛋機，仲有首次在港登場嘅平面扭蛋機 FLAT GASHAPON！仲有首次在港登場嘅「鬼滅之刃」、「東京復仇者」同「寶可夢」扭蛋，仲有「蠟筆小新」、「角落小夥伴」等等經典卡通扭蛋！

地下則化身為 「動物露營主題區」，有「露營動物第4彈」嘅巨型扭蛋同大家打卡！

海賊王忠粉要留意啦！正當《海賊王》準備邁入最終章，「路飛」同「惡魔果實」就嚟咗中環街市隆重登場！「海賊王主題區」設於地下，帶來由尾田栄一郎設計嘅「惡魔果實第一海戰」造型打卡位，旁邊亦設有多部主題扭蛋機。首階段將會展示第1 – 3彈，活動中段將會更新扭蛋系列，加入首次展出嘅第4 – 5彈商品，粉絲們必扭！

仲有BANDAI 最新推出嘅 FLAT GASHAPON！今年4月宣佈喺日本推出嘅新型扭蛋機 FLAT GASHAPON，專門扭出平面商品，好似小海報、文件夾等等，同一般售賣立體商品嘅扭蛋機完全唔同。今次FLAT GASHAPON 首次衝出日本，喺香港首次登場，一眾動漫迷可以率先試玩！有全新嘅「鬼滅之刃」、「東京復仇者」同「寶可夢」的平面商品登場，包括A4文件夾、A4動漫色紙及墊板、A5迷你海報等！

為減少塑膠垃圾，中環街市仲同 6green 綠在上環合作，於活動期間進行回收活動，將紙類、塑膠類物品（包括扭蛋殼）循環再用，教育市民可持續發展嘅重要性。

此外，中環街市亦同非牟利機構iFlorist愛火花合作，逢假日開設扭蛋盆栽擺設工作坊，與大家一同創作獨一無二的扭蛋盆栽！

《GASHAPON PLUS 扭蛋夏令營》
地點：中環街市
日期：2022年7月20日至8月17日
時間：早上10時 至 晚上10時
*扭蛋機只接受以八達通卡付款

*以上資訊只供參考，如有任何變化或更改均以現場情況或商戶決定為準*